Popular Bible Verses from ဢေးၽႅတ်ႈ 2

Share

ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၼင်ႇ​ႁိုဝ်​ႁဝ်း​တၵ်း​လႆႈ​ၵမ်​ၵျၢင်ႉ တၢင်း​ၵမ်​တၢင်း​ၵျၢင်ႉ​ဢၼ်​လီ​ၸိုင်၊ ႁဝ်း​ပဵၼ်​တီႈ​ဢၼ်​မၼ်း​ၸဝ်ႈ​ၽၢၼ်ႇ​သၢင်း​လႄႈ ႁဵတ်း​ပဵၼ်​ၼႂ်း​ ယေႇသူႉ​ၶရိၸ်ႈ ​ဢေႃႈ။ ၼင်ႇ​ႁိုဝ်​ႁဝ်း​တၵ်း​လႆႈ​ၵႂႃႇ​မႃး ၼႂ်း​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ငၢမ်း ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​မႄး​ႁႅၼ်း​ႁဝ်း​ဝႆႉ​ဢွၼ်​တၢင်း​ယဝ်ႉ။

ပိူဝ်ႈ​ဢၼ်​ယုမ်ႇ​မၢတ်ႈ​လႄႈ သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ဢေႃႈ။ သူ​ႁွတ်ႈ​ထိုင်​ၸွမ်း​ၼင်ႇ ဢလူဝ်ႇ တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ပဵၼ်​ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​ဢေႃႈ။- သူ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ် ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ ပေႃး​ပဵၼ်​ၸိူဝ်ႉ​ၼင်ႇ​ၼၼ်​ၸိုင်၊ ၽူႈ​လႂ်​ဢမ်ႇ​မီး​ဢၶႂၢင်ႉ​ဢၼ်​လႆႈ​ဢုပ်ႇ​ဝၢဝ်း။

ၼႂ်း​ဝႃႈ​ၼၼ်​သေ​ၵေႃႈ ၽြႃး​ပဵၼ်​ၸဝ်ႈ​ဢၼ်​ပျေႉ​ၸုမ်ႇ​၊ၼမ်​ၵိုၼ်း​ဝႆႉ​တင်း ၵရူႉၼႃႇ​ၸဝ်ႈ​ၼၼ်ႉ ၵွပ်ႈ​ပိူဝ်ႈ​မႁႃႇ​မႅတ်ႈ​တႃႇ ဢၼ်​မၼ်း​ၸဝ်ႈ​ႁၵ်ႉ​ႁဝ်း​ၼၼ်ႉ​လႄႈ၊- ႁႂ်ႈ​ႁဝ်း​ၸိူဝ်း​ဢၼ်​တၢႆ​ယူႇ​ၼႂ်း​တူႉ​ၸရိူၵ်ႈ​ဢပႅတ်ႈ​ၼႆႉ၊ ဢသၢၵ်ႈ​လိပ်း​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ​ယဝ်ႉ။ ၵွပ်ႈ​ပိူဝ်ႈ​ၵျေး​ၸူး​ၸဝ်ႈ​ၵူၺ်း​လႄႈ သူ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။

ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ မၼ်း​ၸဝ်ႈ​ႁႂ်ႈ​ႁဝ်း​လုၵ်ႉ​ၶိုၼ်း လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ​လႄႈ ပၼ်​တီႈ​ယူႇ​တီႈ​သဝ်း​လူၺ်ႈ​ၵၼ်​တင်း​မၼ်း​ၸဝ်ႈ​ၼၼ်ႉ တီႈ​ၶဝ်​ၵႃႈ​ၼႂ်း​တီႈ​ၵၢင်​ႁၢဝ်​တင်း​လၢႆ​ၼၼ်ႉ​ယဝ်ႉ။

ပိူဝ်ႈ​ၼႆ​လႄႈ သူ​ပဵၼ်​ၵူၼ်း​တၢင်ႇ​ဝၢၼ်ႈ​တၢင်ႇ​မိူင်း​ဢမ်ႇ​ၸႂ်ႈ။ ပဵၼ်​ၶႅၵ်ႇ​ဢမ်ႇ​ၸႂ်ႈ၊ ပဵၼ်​ၵူၼ်း​မိူင်း​လဵဝ်​ၵၼ် တင်း​ၵူၼ်း​မူတ်း​ၸၢင်ႇ​တင်း​လၢႆ​ဢေႃႈ။ ပဵၼ်​ၵူၼ်း​ႁိူၼ်း​ၵူၼ်း​ယေး​ၽြႃး​ပဵၼ်​ၸဝ်ႈ​ဢေႃႈ။- ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ၶၢမ်ႇ​တၢင်း​ဢၼ် ထၢပ်ႈ​ထႅင်ႈ​လႄႈ​တႄႇ​ႁဵတ်း​ယူႇ ၵႃႈ​ၼိူဝ်​ငဝ်ႈ​ႁၢၵ်ႈ​တိူၵ်ႈ​ဢၼ်​ဝႃႈ တမၢၼ်ႇ​ၸဝ်ႈ​ဢိၵ်ႇ​တင်း​ပရေႃးၽႅတ်ႈ​တင်း​လၢႆ​ၼၼ်ႉ​ဢေႃႈ။ ငဝ်ႈ​ႁၢၵ်ႈ​မၢၵ်ႇ​ႁိၼ်​ၸဵင်ႇ​တိူၵ်ႈ​ၸမ်ႉ၊ ပဵၼ်​ ယေႇသူႉ​ၶရိၸ်ႈ ​ဢေႃႈ။