Popular Bible Verses from ဢေးၽႅတ်ႈ 3

Share

ႁႂ်ႈ​မၼ်း​ၸဝ်ႈ​ဢၼ်​တၢတ်ႈ​ၼိူင်ႇ​လႆႈ ႁႂ်ႈ​လႆႈ​ႁဵတ်း​ဢၼ်​ယဵင်ႈ​ၶႅၼ်း​ယႂ်ႇ​ၼႃႇ​သေ ၵႃႈ​ဢၼ်​ႁဝ်း​ၵျၢမ်ႇ​ပွင်​တွင်း​ပၢၼ်ႇ​ၸွမ်း​ၼင်ႇ တၼ်း​ၶူဝ်း​မၼ်း​ၸဝ်ႈ​ဢၼ်​ပွင်​ႁဵတ်း​ၼႂ်း​ႁဝ်း​ၼႆႉ​ၼၼ်ႉ၊- မုၼ်​ၽုင်း​ယႂ်ႇ​ၼႃႇ​ၵႃႈ​ၼႂ်း​ၸိူဝ်း​ၸဝ်ႈ​ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ၵူႈ​ၵမ်ႇ​ၽႃႇ​သိုပ်ႇ​သိုပ်ႇ​တၢမ်း​တၢမ်း​သေ​ၵမ်း​လူၺ်ႈ။ ဢႃႇမိၼ်ႇ။

လွင်ႈ​ဢၼ်​သူး​တွင်း​ၼၼ်ႉ​ၸမ်ႉ၊ လွင်ႈ​ၼင်ႇ​ႁိုဝ်​မၼ်း​ၸဝ်ႈ တၵ်း​ဢဵတ်း​လူ​ပၼ်​မႅၼ်ႈ​ၸွမ်း​ၼင်ႇ​ဢၼ်​မၼ်း​ၸဝ်ႈ ပျေႉ​ၸုမ်ႇ​ၼမ်​ၵိုၼ်း​ၼၼ်ႉ​တီႈ​သူ ႁႂ်ႈ​ၵူၼ်း​ၽၢႆႇ​တင်း​ၼႂ်း​သူ မီး​တင်း​ႁႅင်း​မၼ်ႈ​ၶိူင်ႇ​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ၊- ဢိၵ်ႇ​တင်း​ႁႂ်ႈ​ၸဝ်ႈ​ၶရိၸ်ႈ လႆႈ​ၵိင်း​ဝၢပ်ႈ​ယူႇ​ၵႃႈ​ၼႂ်း​ႁူဝ်​ၸႂ်​သူ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​မီး​တၢင်း​ဢၼ်​ၽုၵ်ႇ​သွမ်ႈ​ယူႇ​ၼႂ်း​မႅတ်ႈ​တႃႇ၊ တၢင်း​ဢၼ်​တႄႇ​ၶျႃး​ငဝ်ႈ​ႁၢၵ်ႈ​တိူၵ်ႈ​ဝႆႉ​သေ​ယဝ်ႉ၊- တၢတ်ႈ​ၼိူင်ႇ​ႁႂ်ႈ​လႆႈ​ႁူႉ​ႁၼ် ၼႃႈ​ယၢဝ်း​ၼႃႈ​ပွတ်း၊ ဢၼ်​သုင်၊​ဢၼ်​လိုၵ်ႉ​မႅတ်ႈ​တႃႇ​ၸဝ်ႈ​ၶရိၸ်ႈ မိူၼ်​ၸိူဝ်ႉ​ၼင်ႇ​ၵူၼ်း​မူတ်း​ၸၢင်ႇ​တင်း​သဵင်ႈ​တင်း​လူင်​ၼၼ်ႉ​လႄႈ၊- ႁူႉ​မႅတ်ႈ​တႃႇ​ၸဝ်ႈ ဢၼ်​ဢဝ်​တင်း​ၺၢၼ်ႇ​တူဝ်​ၸဝ်ႈ​ၵဝ်ႇ ဢမ်ႇ​ႁူႉ​လႆႈ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ် သူ​တၵ်း​ပျေႉ​ၸုမ်ႇ​မႅၼ်ႈ​ၸွမ်း​ၼင်ႇ တၢင်း​ဢၼ်​ၽြႃး​ပဵၼ်​ၸဝ်ႈ​ပျေႉ​ၸုမ်ႇ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်၊ ၵဝ်​သူး​တွင်း​ယူႇ​ဢေႃႈ။

ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၸဝ်ႈ​ၼၼ်ႉ​လႄႈ ႁဝ်း​မီး​တင်း​ၸႂ်​ဢၼ်​ႁတ်း​ႁၢၼ် လႆႈ​ဢၶႂၢင်ႉ​တၢင်း​ဢၼ် လႆႈ​သုတ်ႉ​ၸမ်​လႄႈ​ၶၢမ်ႇ​ဢဝ် တၢင်း​ဢၼ်​ဢဵတ်း​လူ​မၼ်း​ၸဝ်ႈ​ၼၼ်ႉ​ဢေႃႈ။