ၵွပ်ႈပိူဝ်ႈဢၼ်မၼ်းၸဝ်ႈႁွင်ႉဢဝ်ၼၼ်ႉ၊ ပဵၼ်ၸိူဝ်ႉႁိုဝ်ၼၼ်ႉ၊ လွင်ႈဢၼ်မုၼ်ၸေးၸိမ်ႇဢမူၺ်ႇၸဝ်ႈ ဢၼ်ၵူၼ်းမူတ်းၸၢင်ႇတင်းလၢႆ လႆႈၶၢမ်ႇဢဝ်ၼၼ်ႉ ယႂ်ႇၼႃႇၵႃႈႁိုဝ်ၼၼ်ႉ၊- တၼ်းၶူဝ်းၸဝ်ႈဢၼ်ယႂ်ႇလူင်ယႂ်ႇလၢင် ဢၼ်မၼ်းၸဝ်ႈဢဝ်တင်းႁႅင်းဢၼ်ယႂ်ႇၼႃႇ ၼႄပျႃးတီႈႁဝ်းၸိူဝ်းဢၼ်ယုမ်ႇမၢတ်ႈၼၼ်ႉၸမ်ႉ၊ ယႂ်ႇၼႃႇၵႃႈႁိုဝ်ၼၼ်ႉၸိုင် ႁဵတ်းသူးတွင်းပထၼႃႇဢေႃႈ။- တၼ်းၶူဝ်းၸဝ်ႈၼၼ်ႉၸမ်ႉ၊ ပဵၼ်မႁႃႇႁႅင်းတၼ်းၶူဝ်းဢႃႇၼူႉၽေႃႇ ဢၼ်ပွင်ႁဵတ်းၼႂ်းၸဝ်ႈၶရိၸ်ႈ ၼႂ်းမိူဝ်ႈဢၼ်မၼ်းၸဝ်ႈ ႁႂ်ႈၸဝ်ႈၶရိၸ်ႈလုၵ်ႉၵႃႈတၢင်းတၢႆၶိုၼ်းလိပ်းလႄႈ ပၼ်တီႈယူႇဢၼ်သုင်မျၢတ်ႈၼႃႇ ၵႃႈတီႈၽၢႆႇၶႂႃမၼ်းၸဝ်ႈ ၵႃႈၼႂ်းတီႈၵၢင်ႁၢဝ်တင်းလၢႆ၊- ၵႃႈၼိူဝ်ၸႃႉၸဵမ်ဢၼ်ထွတ်ႈဢၼ်မျၢတ်ႈ၊ ဢႃႇၼႃႇတၼ်းၶူဝ်း တၢင်းဢၼ်ဢုပ်ႉပိူင်ႇၼၼ်ႉ တင်းသဵင်ႈတင်းလူင် ဢိၵ်ႇတင်း ၼႃႇမႃႉၸိုဝ်ႈသဵင် ဢၼ်လႆႈၶၢမ်ႇတၢင်းဢၼ်ႁွင်ႉႁဵၵ်ႈၸၢတ်ႈၼႆႉၸၢတ်ႈၼႃႈ ၵႃႈမီးတင်းသဵင်ႈတင်းလူင်ၼၼ်ႉ တီႈၸဝ်ႈၶရိၸ်ႈလႄႈ၊