Popular Bible Verses from ၵေႃးလေႃးသေး 3

Share

ပေႃး​ၵေႃႉ​ၼိုင်ႈ​မီး​တီႈ​တၵ်း​တၢင်ႇ​ဢပႅတ်ႈ တီႈ​ၵေႃႉ​ၼိုင်ႈ​ၸိုင်၊ ၼင်ႇ​ၵၼ်​ၵၼ်​ယိူၼ်ႉ​ၶၢမ်ႇ​ၵၼ်​လႄႈ ဢဵတ်း​လူ​ပွႆႇ​လွတ်ႈ​ဢပႅတ်ႈ​တီႈ​ၵၼ်​တႃႉ။ ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ​ဢဵတ်း​လူ​ပွႆႇ​လွတ်ႈ​ဢပႅတ်ႈ​သူ​ၼၼ်ႉ၊ သူ​ၵေႃႈ​ႁဵတ်း​ၸိူဝ်ႉ​ၼင်ႇ​ၼၼ်​တႃႉ။

ယႃႇ​ပေ​မီး​ၸႂ်​ဢၼ်​ၸပ်း​ၸွႆး လွင်ႈ​တၢင်း​ဢၼ်​မီး​ၵႃႈ​ၼိူဝ်​လိၼ်​မိူင်း​ၸိူဝ်း​ၼႆႉ။ မီး​ၸႂ်​ဢၼ်​ၸပ်း​ၸွႆး လွင်ႈ​တၢင်း​ဢၼ်​မီး​ၵႃႈ​ၼိူဝ်​ၸိူဝ်း​ၼၼ်ႉ​တႃႉ။

ၼႂ်း​ၵႃႈ​ဢၼ်​သူ​ႁဵတ်း​တင်း​သဵင်ႈ​တင်း​လူင်​ၼၼ်ႉ၊ ပႃး​တင်း​ၸႂ်​ၸေႇတၼႃႇ​သေ​လႄႈ ႁဵတ်း​ၸိူဝ်ႉ​ၼင်ႇ​ဢၼ်​ပွင်​ႁဵတ်း​ဢမူႉ​ၵူၼ်း​ဢမ်ႇ​ၸႂ်ႈ၊ ႁဵတ်း​ၸိူဝ်ႉ​ၼင်ႇ​ဢၼ်​ပွင်​ႁဵတ်း​ဢမူႉ​ၸဝ်ႈ​ၽြႃး​ၼၼ်ႉ​တႃႉ။

ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ၵေႃႉ​ဢၼ်​ၽြႃး​ပဵၼ်​ၸဝ်ႈ​လိူၵ်ႈ​ၵဵပ်း​ဢဝ်၊ ၵေႃႉ​ဢၼ်​မူတ်း​ၸၢင်ႇ၊ ၵေႃႉ​ဢၼ်​ထုၵ်ႇ​လီ​ႁၵ်ႉ​လီ​ပႅင်း​ၼၼ်ႉ၊ သူ​ဢွၼ်​ၵၼ်​ဢဝ်​တၢင်း​ဢၼ်​ၸၢင်ႈ​ႁၵ်ႉ​ဢဵတ်း​လူ၊ တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​ၸႂ်​ၶျႃး​တႅမ်ႇ၊ တၢင်း​ဢၼ်​ၼိမ်​သိမ်ႇ​ဢူၼ်ႈ​ဢွၼ်ႇ၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း​ၸိူဝ်း​ၼၼ်ႉ​ၼုင်ႈ​မႆ​တႃႉ။

ႁႂ်ႈ​ၼုၵ်ႈၵပၢတ်ႈ​တြႃး​ၸဝ်ႈ​ၶရိၸ်ႈ ပႃး​တင်း​ပိင်ႇ​ၺႃႇ​ၵူႈ​ၸိူဝ်ႉ​ၵူႈ​ပိူင် တႄႇ​ယူႇ​ၵႃႈ​ၼႂ်း​သူ​ၼမ်​ၼမ်​လႄႈ သူ​ဢဝ်​တင်း တၢင်း​ဢၼ်​ႁဵတ်း​ၵႂၢမ်း​သႃႇလၢမ်ႇ​ဢိၵ်ႇ​တင်း တၢင်း​ဢၼ်​ႁဵတ်း​ၵႂၢမ်း​ထမ်ႇမႃႉ​ၵူႈ​ၸိူဝ်ႉ​ၵူႈ​မဵဝ်း ၼင်ႇ​ၵၼ်​ၵၼ်​ႁဵတ်း​တၢင်း​ဢၼ်​သင်ႇ​သွၼ်​သုင်း​မႃႉ​ၵၼ်၊ တၢင်း​ဢၼ် ပၼ်​သတီႉ​တီႈ​ၵၼ်​လႄႈ ပႃး​တင်း​ႁူဝ်​ၸႂ်​ဢၼ်​ဢူၼ်ႈ​လီ​ဢွၼ်ႇ​လီ ႁဵတ်း​ၵႂၢမ်း​ဢၼ်​သၢင်ႇ​ထုၵ်ႇ​ၵႃႈ​တီႈ​ၽၢႆႇ​ၼႃႈ ၽြႃး​ပဵၼ်​ၸဝ်ႈ​တႃႉ။- မိူဝ်ႈ​ဢၼ်​လၢတ်ႈ​ၵႂၢမ်း​လႄႈ​သင်၊ မိူဝ်ႈ​ဢၼ်​ပွင်​ႁဵတ်း​ဢမူႉ​လႄႈ​သင်၊ ထွၵ်ႈ​လူၺ်ႈ​ၼႃႇ​မႃႉ​ၸိုဝ်ႈ​သဵင်​ ယေႇသူႉ​ၶရိၸ်ႈ ​လႄႈ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ယူႇ၊ ဢိင်​ၸဝ်ႈ​ၼၼ်ႉ​သေ​လႄႈ​ဝႃႈ ၵျေး​ၸူး​ၸဝ်ႈ​ယႂ်ႇ​ၼႃႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ယူႇ​သေ​လႄႈ ႁပ်ႉ​တုင်း​ဢဝ် ၵႃႈ​တီႈ​ၽၢႆႇ​ၼႃႈ​ၽြႃး​ပေႃႈ​ၸဝ်ႈ​တႃႉ။

ဢဝ်​တၢင်း​ႁၵ်ႉ​မႅတ်ႈ​တႃႇ​ဢၼ်​ဝႃႈ တၢင်း​ဢၼ်​မတ်ႉ​ၶွတ်ႇ​ၽွတ်ႇ​ၶဵၼ်း​ဢၼ်​ၸေး​ၸုမ်ႇ​ၼၼ်ႉ ထၢပ်ႈ​ထႅင်ႈ​လႄႈ​ၼုင်ႈ​မႆ​တႃႉ။

ၵႃႈ​ၼင်ႇ​ဢၼ်​ဝႃႈ​မႃး​ယဝ်ႉ​ၼၼ်ႉ၊ ပေႃး​သူ​လုၵ်ႉ​ၶိုၼ်း​လူၺ်ႈ​ၵၼ်​တင်း​ၸဝ်ႈ​ၶရိၸ်ႈ၊​ဢမၢၼ်ႇ​ၶၼ်​ပဵၼ်​ၸိုင်၊ သူ​ဢွၼ်​ၵၼ်​ႁႃ​ဢဝ်​လွင်ႈ​တၢင်း​ဢၼ်​မီး​ယူႇ​ၵႃႈ​ၼိူဝ် ၼႂ်း​တီႈ​ဢၼ်​ၸဝ်ႈ​ၶရိၸ်ႈ​၊ ၼင်ႈ​ယူႇ​ၵႃႈ​တီႈ​ၽၢႆႇ​ၶႂႃ​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​တႃႉ။

ႁႂ်ႈ​တၢင်း​ၼိမ် ၸဝ်ႈ​ၶရိၸ်ႈ​ဢုပ်ႉ​ပိူင်ႇ ၵႃႈ​ၼႂ်း​ႁူဝ်​ၸႂ်​သူ​ယူႇ​တႃႉ။ သူ​ၶၢမ်ႇ​တၢင်း​ဢၼ်​မၼ်း​ၸဝ်ႈ​ႁွင်ႉ​ဝႆႉ တီႈ​တူဝ်​ဢၼ်​လဵဝ်​ၵၼ် ႁႂ်ႈ​ပဵၼ်​ပုၼ်ႈ​ၸိူဝ်ႉ​ၼင်ႇ​ၼၼ်ႉ​လႄႈ မီး​ၸႂ်​ဢၼ်​ႁူႉ​ၸၵ်း​ၵျေး​ၸူး​ၸဝ်ႈ​တႃႉ။

ပိူဝ်ႈ​ၼႆ​လႄႈ ႁႂ်ႈ​ဢၢင်ႇ​ၵႃႇ​တူဝ်​သူ ဢၼ်​မီး​ယူႇ​ၵႃႈ​ၼိူဝ်​လိၼ်​မိူင်း​ဢၼ်​ဝႃႈ တၢင်း​ဢၼ်​ႁဵတ်း​တင်း​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵမ်​ၵျၢင်ႉ​ဢၼ်​ၵူဝ်ႈ​ဢၼ်​ၵိူၵ်ႇ၊ တၢင်း​ဢၼ်​ၸႂ်​ၵီႉလေႇသႃႇ​မႆႈ​ႁွၼ်ႉ၊ တၢင်း​ဢၼ်​ၸႂ်​ၸပ်း​ၸႂ်​ၸွႆး​ဢၼ်​ႁၢႆႉ​မိူၵ်ႈ၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ် ဢၼ်​ပဵၼ်​တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​ၸိူဝ်း​ၼၼ်ႉ​တၢႆ​သေ​တႃႉ။

လွင်ႈ​မၼ်း​ၸမ်ႉ သူ​ပဵၼ်​ၵေႃႉ​ဢၼ်​တၢႆ​ယဝ်ႉ​လႄႈ ဢသၢၵ်ႈ​သူ​ၼၼ်ႉ​သိူင်ႇ​ဝႆႉ​လပ်ႉ​ဝႆႉ လူၺ်ႈ​ၵၼ်​တင်း​ၸဝ်ႈ​ၶရိၸ်ႈ​ၼႂ်း​ၽြႃး​ပဵၼ်​ၸဝ်ႈ​ယူႇ​ဢေႃႈ။

တေႃႈ​လဵဝ်​ၼႆႉ​ၸမ်ႉ၊ ပႄႇ​ပႅတ်ႈ​လွင်ႈ​တၢင်း​ၸိူဝ်း​ၼၼ်ႉ​တင်း​သဵင်ႈ​တင်း​လူင် ဢိၵ်ႇ​တင်း​တၢင်း​ဢၼ်​တေႃး​သႃႉ​ဢွၵ်ႇ၊ တၢင်း​ဢၼ် ၸႂ်​မႆႈ​ၶႆႈ​ၸႃႉ၊ တၢင်း​ဢၼ်​သီႈ​ၵေႉ​ႁေႈ​တႃ၊ တၢင်း​ဢၼ်​ယႃႉ​သရေႇ​ပိူၼ်ႈ​ႁႂ်ႈ​လူႉ၊ တၢင်း​ဢၼ်​လၢတ်ႈ​ၵႂၢမ်း​ဢၼ်​ၵူဝ်ႈ​ဢၼ်​ၵိူၵ်ႇ ၸိူဝ်း​ၼၼ်ႉ သေ ၵႃႈ​ၼႂ်း​သူပ်း​သူ​တႃႉ။

ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယႃႇ​ပေ​လၢတ်ႈ​ၵႂၢမ်း​မူႉ​သႃႇ​တေႃႇ​ၵၼ်။ လွင်ႈ​မၼ်း​ၸမ်ႉ သူ​ထွတ်ႇ​ပႅတ်ႈ​တူဝ်​ၵူၼ်း​ဢၼ်​ၵဝ်ႇ​ဢိၵ်ႇ​တင်း တၢင်း​ၵမ်​တၢင်း​ၵျၢင်ႉ​မၼ်း​ၸိူဝ်း​ၼၼ်ႉ​သေ​လႄႈ၊- ပဵၼ်​ၵေႃႉ​ဢၼ်​ဢဝ်​ၵူၼ်း​ဢၼ်​မႂ်ႇ ဢၼ်​ၶၢမ်ႇ​တၢင်း​ဢၼ်​ႁဵတ်း​ပဵၼ်​ဢၼ်​မႂ်ႇ ပုၼ်ႈ​ဢၼ်​တၵ်း​မီး​ပိင်ႇ​ၺႃႇ​ဢၼ်​မၢၼ်ႇ ဢၼ်​မႅၼ်ႈ ၸိူဝ်ႉ​ၼင်ႇ​ပုင်ႇ​ႁၢင်ႈ ၵေႃႉ​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ ၼုင်ႈ​မႆ​ဢေႃႈ။

ၽူႈ​ၸၢႆး​ၶဝ်​ဢိူၺ်း၊ ႁၵ်ႉ​မေး​သူ​တႃႉ။ ယႃႇ​ပေ​ႁဵတ်း​တၢင်း​ဢၼ်​ၵျၢမ်း​ထၢမ်း​ၼႃႇ​လူင်​လၢင်။

လုၵ်ႈ​လၢင်း​ၶဝ်​ဢိူၺ်း၊ ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ​သူ ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တႃႉ။ လွင်ႈ​တၢင်း​ဢၼ်​ထွမ်ႇ​ဢဝ်​ၵႂၢမ်း​ပေႃႈ​ၵႂၢမ်း​မႄႈ ၼၼ်ႉ ပဵၼ်​လွင်ႈ​တၢင်း​ဢၼ် ထုၵ်ႇ​ၸႂ်​ၸဝ်ႈ​ၽြႃး​ဢေႃႈ။

ၽူႈ​ယိင်း​ၶဝ်​ဢိူၺ်း၊ ၵႃႈ​ၼင်ႇ​ဢၼ်​သၢင်ႇ​ထုၵ်ႇ​ၼႂ်း​ၸဝ်ႈ​ၽြႃး​ၼၼ်ႉ၊ ၶၢမ်ႇ​တၢင်း​ဢၼ်​ၽူဝ်​သူ​ဢုပ်ႉ​ပိူင်ႇ​တႃႉ။