Popular Bible Verses from 1 ၵေႃးရိၼ်ႇထူႉ 12

Share

ပုၼ်ႈ​ဢၵျူဝ်း​ၸိုင်​မၼ်း​ၸၢင်ႈ​ပၼ်​ဝီႉၺိၺ်ႇ​ၸဝ်ႈ​တီႈ​ၵူၼ်း​ၵူႈ​ၵေႃႉ​ႁင်း​ၽႂ်​ႁင်း​မၼ်း​ထၢင်ႇ​ထၢင်ႇ​သႃး​သႃး​ဢေႃႈ။

သူ​ပဵၼ်​တူဝ်​ၸဝ်ႈ​ၶရိၸ်ႈ​ဢေႃႈ။ ပဵၼ်​ဢၢင်ႇ​ၵႃႇ​မၼ်း​ၸဝ်ႈ​ႁင်း​ၽႂ်​ႁင်း​မၼ်း​ဢေႃႈ။

ပိူဝ်ႈ​ၼႆ​လႄႈ​ပေႃး​ဢၢင်ႇ​ၵႃႇ​ဢၼ်​ၼိုင်ႈ​လႆႈ​ၶၢမ်ႇ​တုၵ်ႉ​ၶႃႉ​တၢင်း​ၽၢၼ်​ၸိုင်၊ ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​လႆႈ​ၶၢမ်ႇ​လူၺ်ႈ​ၵၼ်​ဢေႃႈ။ ပေႃး​ဢၢင်ႇ​ၵႃႇ​ဢၼ်​ၼိုင်ႈ​လႆႈ​ၶၢမ်ႇ​တၢင်း​ဢၼ်​မုၼ်​သရေႇ​ယႂ်ႇ​ၼမ်​ၸိုင်၊ ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​လႆႈ​သိူဝ်း​ပျေႃႇ​လူၺ်ႈ​ၵၼ်​ဢေႃႈ။

ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​လႄႈ​မၼ်း​ၸဝ်ႈ​ပၼ်​ပိင်ႇ​ၺႃႇ​တြႃး​တီႈ​ၵူၼ်း​ၵေႃႉ​ၼိုင်ႈ​ဢေႃႈ။ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​တြႃး​တၢင်း​ဢၼ် ၶုတ်း​မူင်ႇ​ၸီး​ၸွင်ႈ​ႁူႉ​လႆႈ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။- ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​တၢင်း​ဢၼ်​ယုမ်ႇ​မၢတ်ႈ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။ ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​ၼၼ်ႉ​လႄႈ မၼ်း​ၸဝ်ႈ​ပၼ်​ဢၶႂၢင်ႉ​တၢင်း​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ​တီႈ​ၵူၼ်း​ၵေႃႉ​ၼိုင်ႈ​ဢေႃႈ။- မၼ်း​ၸဝ်ႈ​ပၼ်​ဢၶႂၢင်ႉ​ဢၼ်​ၸၢင်ႈ​ၼႄ​ပျႃး​တၼ်း​ၶူဝ်း​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ႁဵတ်း​ပရေႃးၽႅတ်ႈ​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ၸၵ်း​ၽႄ​လႄႈ​ႁူႉ​ၸႂ်​ဝီႉၺိၺ်ႇ​တင်း​လၢႆ​ၼၼ်ႉ တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​တီႈ​ၵေႃႉ​ၼိုင်ႈ၊ ဢၶႂၢင်ႉ​ဢၼ်​ၸၢင်ႈ​ၽုၺ်ႇ​ၼႄ​ဢထိၵ်ႈပႄႇ​ၵႂၢမ်း​ၽႃႇသႃႇ​ၼၼ်ႉ​တီႈ​ၵေႃႉ​ၼိုင်ႈ​ဢေႃႈ။

ဢၶႂၢင်ႉ​ၵႃႈ​မီး​ၸိူဝ်း​ၼၼ်ႉ​ၸိုင် ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း ႁဵတ်း​ပဵၼ်​လႄႈ​မၼ်း​ၸဝ်ႈ​မႅင်ႇ​ပၼ်​ဢၶႂၢင်ႉ​တီႈ​ၵူႈ​ၵေႃႉ​ၵူႈ​ၵူၼ်း​ႁင်း​ၽႂ်​ႁင်း​မၼ်း ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​မီး​ၼၼ်ႉ​ဢေႃႈ။

လွင်ႈ​ၼင်ႇ​ႁိုဝ်​တၵ်း​ဢမ်ႇ​မီး​တၢင်း​ဢၼ်​ၽၢတ်ႇ​ၽႄ​ၵၼ်​ၼႂ်း​တူဝ်​ၶၼ်ႇ​ထႃႇ​လႄႈ​ဢၢင်ႇ​ၵႃႇ​တင်း​လၢႆ​တၵ်း​ႁဵတ်း​သတီႉ​တၢၼ်ႇ​ၽႂ်​တၢၼ်ႇ​မၼ်း​ၸိုင် ၽြႃး​ပဵၼ်​ၸဝ်ႈ​ႁႂ်ႈ​တူဝ်​ၶၼ်ႇ​ထႃႇ​ၵိုင်ႇ​ၵၼ်​လႅပ်ႈ​ၵၼ်​လႄႈ ပၼ်​သရေႇ​ဢၼ်​ယဵင်ႈ​ၶႅၼ်း​ၼမ်​တီႈ ဢၢင်ႇ​ၵႃႇ​ဢၼ်​ယုတ်ႈ​ၸိူဝ်း​ၼၼ်ႉ​ဢေႃႈ။

ပိၵ်ႉ​သမ်ႉ​သူႉ​ၵျေး​ၸူး​ၸဝ်ႈ မီး​တၢင်း​ဢၼ်​ဢမ်ႇ​မိူၼ်​ၵၼ်​လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ဝီႉၺိၺ်ႇ​ၸဝ်ႈ​ပႃး​လဵဝ်​ၵူၺ်း​ဢေႃႈ။- ပိၵ်ႉ​သမ်ႉ​ဢမူႉ​တၢင်း​ဢၼ်​ထမ်ႇမႃႉ​သြႃႇ​ပွင်​ႁဵတ်း​ၼၼ်ႉ မီး​တၢင်း​ဢၼ်​ဢမ်ႇ​မိူၼ်​ၵၼ်​လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ၸဝ်ႈ​ပႃး​လဵဝ်​ၵူၺ်း​ဢေႃႈ။- ပိၵ်ႉ​သမ်ႉ​ဢမူႉ​တၢင်း​ဢၼ်​ႁဵတ်း​ပဵၼ်​ၼၼ်ႉ မီး​တၢင်း​ဢၼ်​ဢမ်ႇ​မိူၼ်​ၵၼ် လၢႆ​ၸိူဝ်ႉ​လၢႆ​ပိူင်​သေ​ၵေႃႈ၊ မီး​ၽြႃး​ပဵၼ်​ၸဝ်ႈ​ပႃး​လဵဝ်​ၵူၺ်း​ဢၼ်​ႁဵတ်း​ပဵၼ် ၵႃႈ​ဢၼ်​ႁဵတ်း​ပဵၼ်​ၵႃႈ​ၼႂ်း​ၵူၼ်း​တင်း​သဵင်ႈ​တင်း​လူင်​ဢေႃႈ။

ၽြႃး​ပဵၼ်​ၸဝ်ႈ​ၶၢၼ်း​ဝႆႉ​တမၢၼ်ႇ​ၸဝ်ႈ​တင်း​လၢႆ ၼႂ်း​ဢရႃႇ​ပထမႃႉ၊ ပရေႃးၽႅတ်ႈ​တင်း​လၢႆ​ၼႂ်း​ဢရႃႇ​တူႉတီႉယႃႉ၊ သြႃႇ​တင်း​လၢႆ​ၼႂ်း​ဢရႃႇ​တႃႉတီႉယႃႉ၊ လိုၼ်း​ၼၼ်ႉ​ၶဝ်​ၸိူဝ်း​ဢၼ်​ၼႄ​ပျႃး​တၼ်း​ၶူဝ်း၊ လိုၼ်း​ၼၼ်ႉ​ၶဝ်​ၸိူဝ်း​ဢၼ်​လႆႈ​ဢၶႂၢင်ႉ​ဢၼ်​ႁႂ်ႈ​တၢင်း​ၶႆႈ​တၢင်း​ပဵၼ်​ႁၢႆ၊ ၶဝ်​ၸိူဝ်း​ဢၼ်​ပွင်​လူၺ်ႈ​ၸိူဝ်း​ၸဝ်ႈ၊ ၶဝ်​ၸိူဝ်း​ဢၼ်​ၸီႇ​ယၢင်ႇ​ဢုပ်ႉ​ပိူင်ႇ၊ ၶဝ်​ၸိူဝ်း​ဢၼ်​ၸၢင်ႈ​လၢတ်ႈ​ၵႂၢမ်း​ၽႃႇသႃႇ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ၼႂ်း​ၸိူဝ်း​ၸဝ်ႈ​ဢေႃႈ။

တူဝ်​ၸိုင်​မီး​ဢၢင်ႇ​ၵႃႇ​ဢၼ်​လဵဝ်​ၵူၺ်း​ဢမ်ႇ​ၸႂ်ႈ။ မီး​ၼမ်​ၼႃႇ​ဢေႃႈ။

လိူဝ်​သေ​ၼၼ်ႉ​ဢမ်ႇ​ၵႃး၊ ဢၢင်ႇ​ၵႃႇ​ဢၼ်​မိူၼ်​ၼင်ႇ​ႁၢင်ႈ​ႁႅင်း​တၵ်း​လဵၵ်ႉ​တၵ်း​ၵေႇ​ၼၼ်ႉ ယဵင်ႈ​ၶႅၼ်း​မီး​တီႈ​တၵ်း​သုင်း​တၵ်း​သွင်ႇ​ဢေႃႈ။

ပေႃး​တင်း​တူဝ်​တင်း​ၶိင်း​ပဵၼ်​မၢၵ်ႇ​တႃ​ၵူၺ်း​ၵူၺ်း​ၸိုင်၊ တၢင်း​ဢၼ်​ငိၼ်း​လႆႈ​တၵ်း​မီး​ၵႃႈ​လႂ်။ ပေႃး​တင်း​တူဝ်​တင်း​ၶိင်း​ပဵၼ်​ႁူ​ၵူၺ်း​ၵူၺ်း​ၸိုင်​တၢင်း​ဢၼ်​ၼူမ်​လႆႈ​တၵ်း​မီး​ၵႃႈ​လႂ်။ တေႃႈ​လဵဝ်​ၸမ်ႉ၊ ၽြႃး​ပဵၼ်​ၸဝ်ႈ​ၼၼ်ႉ ၸီႇ​ယၢင်ႇ​ၶၢၼ်း​ဝႆႉ​ဢၢင်ႇ​ၵႃႇ​တင်း​လၢႆ​ႁင်း​ၽႂ်​ႁင်း​မၼ်း ၵႃႈ​ၼႂ်း​တူဝ်​ၵႃႈ​ၼင်ႇ​ဢၼ်​မၼ်း​ၸဝ်ႈ​မီး​ဢလူဝ်ႇ​ဢေႃႈ။- လိူဝ်​သေ​ၼၼ်ႉ​ပေႃး​ဢၢင်ႇ​ၵႃႇ​ၵႃႈ​မီး​တင်း​သဵင်ႈ​တင်း​လူင်​ပဵၼ်​ဢၢင်ႇ​ၵႃႇ​ဢၼ်​လဵဝ်​ၵူၺ်း​ၸိုင်​တူဝ်​တၵ်း​မီး​ၵႃႈ​လႂ်။