Popular Bible Verses from 1 ၵေႃးရိၼ်ႇထူႉ 11

Share

မိူၼ်​ၼင်ႇ​ၼၼ် ၵိၼ်​ၶဝ်ႈ​ၶမ်ႈ​သေ​ယဝ်ႉ၊ ၵွၵ်း​ၵေႃႈ​မၼ်း​ၸဝ်ႈ​ဢဝ်​လႄႈ​ဝႃႈ၊ ၵွၵ်း​ၼႆႉ​ၸမ်ႉ၊ ပဵၼ်​ပတီႉၺိၺ်ႇ​တြႃး​ဢၼ်​မႂ်ႇ​ဢၼ်​တႄႇ​ယူႇ​ၼႂ်း​လိူတ်ႈ​ၵဝ်​ဢေႃႈ။ ယၢမ်း​မိူဝ်ႈ​ဢၼ်​သူ​ၵိၼ်​ၵွၵ်း​ၼႆႉ​ၵူႈ​ပွၵ်ႈ၊ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၸိုင် ဢွၼ်​ၵၼ်​ၵိၼ်​တႃႉ၊ ဝႃႈ​ၼင်ႇ​ၼႆ​ဢေႃႈ။- လွင်ႈ​မၼ်း​ၸမ်ႉ​ယၢမ်း​မိူဝ်ႈ​ဢၼ်​သူ​ၵိၼ်​ၶဝ်ႈ​မုၼ်း​ဢိၵ်ႇ​တင်း​ၵွၵ်း​ၼၼ်ႉ​ၵူႈ​ပွၵ်ႈ၊ သူ​ၼႄ​ပျႃး​တၢင်း​ဢၼ်​ၸဝ်ႈ​ၽြႃး​ၶၢမ်ႇ​တၢင်း​တၢႆ​ၼၼ်ႉ​တေႃႇ​ထိုင်​ႁွတ်ႈ​ၶိင်ႇ​ဝၼ်း​ဢၼ်​မၼ်း​ၸဝ်ႈ​တၵ်း​မႃး​ပုၼ်ႉ​ဢေႃႈ။

လွင်ႈ​မၼ်း​ၸမ်ႉ​လွင်ႈ​ဢၼ်​ၵဝ်​ဢၢပ်ႈ​ပၼ်​တီႈ​သူ​ၼၼ်ႉ​ၸိုင်​ၵဝ်​လႆႈ​ၶၢမ်ႇ​ဢဝ်​ၵႃႈ​တီႈ​ၸဝ်ႈ​ၽြႃး​ယဝ်ႉ။ လွင်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​ၸမ်ႉ၊ မိူဝ်ႈ​ၶမ်ႈ​ဢၼ် ၸဝ်ႈ​ ယေႇသူႉ ​ၶၢမ်ႇ​တၢင်း​ဢၼ်​ဢၢပ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၼၼ်ႉ၊ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ၊- ယွင်ႈ​ယေႃး​ၵျေး​ၸူး​ၸဝ်ႈ​သေ​ယဝ်ႉ၊ ဝိတ်း​ၶဝ်ႈ​မုၼ်း​လႄႈ​ဝႃႈ၊ ၶဝ်ႈ​မုၼ်း​ၼႆႉ​ၸမ်ႉ၊ ပဵၼ်​တူဝ်​ၵဝ်​ဢၼ်​လႆႈ​ၶၢမ်ႇ​တၢင်း​ဢၼ်​ႁၵ်း​ဝိတ်း​ပုၼ်ႈ​သူ​ဢေႃႈ။ ဢွၼ်​ၵၼ်​ဢဝ်​ၵိၼ်​တႃႉ၊ ပုၼ်ႈ​ဢၼ်​တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၸိုင်၊ ဢွၼ်​ၵၼ်​ႁဵတ်း​ၸိူဝ်ႉ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၵွပ်ႈ​ႁွႆး​ၼႆႉ​လႄႈ​ႁႂ်ႈ​ၵူၼ်း​ၵူႈ​ၵေႃႉ​ၸႅတ်ႈ​ထၢမ်​ၸႅတ်ႈ​တူၺ်း​တူဝ်​ၸဝ်ႈ​ၵဝ်ႇ​ယဝ်ႉ​ၸင်ႇ​ၵိၼ်​ၶဝ်ႈ​မုၼ်း​ၼၼ်ႉ​သေ​ၵမ်း။ မိူၼ်​ၼင်ႇ​ၼႆ ၵွၵ်း​ၼၼ်ႉ​ၵေႃႈ​ႁႂ်ႈ​မၼ်း​ၵိၼ်​သေ​ၵမ်း။- လွင်ႈ​မၼ်း​ၸမ်ႉ​ၵေႃႉ​ဢၼ်​ယင်း​ဢမ်ႇ​ထိူၵ်ႈ​ဢမ်ႇ​တၢၼ်ႇ​လႄႈ​ၵိၼ်​ၼၼ်ႉ​ၵွပ်ႈ​ပိူဝ်ႈ​ဢၼ်​မၼ်း​ဢမ်ႇ​ႁူႉ​ဢမ်ႇ​ႁၼ်​တူဝ်​ၸဝ်ႈ​ၽြႃး​လႄႈ​ပဵၼ်​ၵေႃႉ​ဢၼ်​ၵိၼ်​ႁႂ်ႈ​ဢပႅတ်ႈ​ႁွတ်ႈ​ထိုင်​ၵႃႈ​ၼိူဝ်​တူဝ်​ၸဝ်ႈ​ၵဝ်ႇ​ဢေႃႈ။

ပိူဝ်ႈ​ၼႆ​လႄႈ ၵေႃႉ​ဢၼ်​ယင်း​ဢမ်ႇ​ထိူၵ်ႈ​တၢၼ်ႇ​လႄႈ ၵိၼ်​ၶဝ်ႈ​မုၼ်း​ဢိၵ်ႇ​တင်း​ၵွၵ်း​ၸဝ်ႈ​ၽြႃး​ၼၼ်ႉ​ၸမ်ႉ၊ ႁွတ်ႈ​ထိုင်​တၢင်း​ဢၼ်​ၽိတ်း​ပိူင်ႈ​တူဝ်​ဢိၵ်ႇ​တင်း​လိူတ်ႈ​ၸဝ်ႈ​ၽြႃး​ဢေႃႈ။

ၸိူဝ်ႉ​ၼင်ႇ​ဢၼ် ၵဝ်​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ၸဝ်ႈ​ၶရိၸ်ႈ​ၼၼ်ႉ သူ​ၵေႃႈ​ၵမ်​ၵျၢင်ႉ​မိူၼ်​ၸိူဝ်ႉ​ၼင်ႇ​ၵဝ်​တႃႉ။