Popular Bible Verses from Kolasiis 3

Share

In ɓaŋkaawurɛɛ oolaan ɛkanɛɛkɛ goŋk, ɔkɔnkɔ iinakɛ iɗit omaay tike mɛɛnoŋ, nɛ in ŋɔŋɔɗiirɛ ɛkanɛɛkɛ goŋk. In ɓɔrɔ ŋɔɗiirɛ oko sinɛɓa kɔne ŋɔɗiitarkiɗ Kereseek.

Nɛ in koɓiikɛɛ agut ola sigɛ atu darik, ma kat koɓiikɛɛ agut ola sigɛ atu ɗookuk.

In ijaagɛɛ any sinɛ ijaagiirik baŋɛ ɓayaay a yaakaat a ito ijaagɗigiɗɔ Suumi Yeesee, ma moko ijaagɗigiɗɔ iɗit.

Iinak joop Waakoyotoŋk sigɔ geetitaanakik sigɛɓa kɔnu poru nɔɓa kɔnu daam ɛɛka nɛɛkaakik, agut sini in kadɛɛ sinɔ kɔna sanɗiiɗ joopk, a mentanka, a rikiteet ɛɛkoŋk, leemikeen, a ɓaŋkaawurɔɔn oolaanik.

Nɛ in lakɛ Pɛɛni Waakoyotoŋk a enyaaŋ beeɗit noŋk baŋɛ, iinakɛ in iɗit omaay rɔɔriy mɛɛno ɗegerɔɔn baŋɛ ɛ koykoyɛɗ. In iiliyakɛ a pɔɔsɛɛ Waakoyo ɓayaay iiliyaakɛ, a tukuun, a iiliyaakɛ dooyanoŋk. In ijaagɛɛ tiriyaakɛ Suumi Yeeseek any sinɛ ijaagiirik baŋɛ, a pɔɔsɛɛr Waakoyo Ɛpɛn eteŋka goy nɛɛkɛk, kɛygun pɛɛnii kɛygun ijaag.

Sigeege baŋɛ, in kadɛɛ mɛyin sinɔ tuse ola baŋɛ sinɔ laŋiiɗɛɛ omaayikeenik.

Agut sinɔkan ŋaararkiɗɔ ret walasa a Keresee agut omoŋɔŋk, nɛ in ɗɛyɛɛ a ɓaŋkawuŋ ola sigɛ atu dari rakaayk sinaanɛ beeɗiiɗ Kerese ɗiɗikakɛ Waakoyotoŋkuk.

Nɛ in obulur bɔdɛɛɗ ɓayɛtunɛɛkɛ goŋk. Riyɛɛɓa kɔnu a iinak nyonitaak ɛɛk sinɔ omoŋɔŋk agut bɔdɛ sini. In pɔɔsɛɛ Waakoyo.

In ɔɔyɛɛ tikiyɛ sigɛ laŋɛɛ beeɗit noŋk baŋɛ, sɛɛg sigi ruunyikeen, a somikeen, a molkotɔn, a ɗɛyan sinɔ ŋɛɛwɛnŋɔŋk, golɛ sinɔ ugumeeɗɛ raŋaawotakaak.

Agut sinɔ rɛrariɓa nɛɓa dugiɗi wɛɛŋa goŋk a Keresee agut omoŋ sooy lak Waakoyok.

Mayakana sisɔ in ɔɔyɛɛ ŋadi, a buudɛ, a ɗɛgɛ, a laganyɔn, nɛ kat tonɛɛ any sinɔ lagiɗɛɛ keenyk.

Kat totonɛɛ nyon ɛkanɛɛkɛ goŋk, agut sinɔ karkartariɓa ɓɛɛl ɛɛk sinɛɓa bɔɔlɔŋk a ijaag nɛɛk agut omoŋ, kadiirkɔ ɓɛɛl ɛɛk sinɔ tɔɔnuk sinɛ arɛɛ a tɔɔn ɓɛɛnyɔwɛ gɛɛŋk baŋɛ ɗegerɔɔnuk a gayi a Waakoyok sinɛɓa riiɓiik.

Iinak babuyk, in porɛɛ jartiyatɔ goŋk, kat laaŋoyɛɛ sɛɛg.

Iinak tɔɔmɔk, in tiiɗikɛɛ bɔɔlɔŋeera goŋk ant baŋɛ agut sinɔ ege sini any sinɔ yaa Suumiyaak.

Iinak jartiyatɔk, in tiiɗikɛɛ babuyka goŋk agut sinɔ tiyaan any sinɔ liki Suumiyaak.