Popular Bible Verses from Yehosua 6

Share

Rmengo Yehosua ka Utux Tmninun: “Qtai, wada mu sbege baga namu ka alang Yerixo ma qbsuran paru Yerixo ma, kana supi mnpahung daha.

Mbahang namu hrenang urung pmbaro phrenang iyuk urung de, asi pgbaro mdiras paru ka kana seediq. Kiya de mphurah ka qnalang alang ma, asi osa mremux berah ka kana namu.”

Yamu we dai mtqiri alang nii, kana supi oda mtqiri texal. Keso kiya mooda 6 ali uri.

Meniq berah kulu pnsdhegan ka 7 msapuh mangal iyuk urung miric. Betaq 7 ali de, asi namu ka mtqiri mn7, kiya ma msapuh we asi ka miyuk iyuk urung.

Ado seediq Israel, rhengun alang Yerixo we psgdehu ba meluk ma, uka seediq dehuk mremux ma mlatac.

Dehuk ka ntqiri tg7 ma, miyuk iyuk urung ka dmsapuh ciida. Rmengo seediq ka Yehosua: “Plawa da! Ado Utux Tmninun we, wada na sbege yamu ka alang nii da!

Alang nii ma kana nniqan truma alang nii we, asi ka sbege namu Utux Tmninun sgliqun namu kana. Wano ba Raxab mqedil kbrexun ma kana ani maanu tnsapah na nanak ka maha muudus. Ado heya we lmneing dmpskuuruy ta.