Popular Bible Verses from Korosay 3

Share

Nasi niqan qnquwan daha ka seediq nii ma seediq kiya de, asi namu ka pkremun ma ppsruwa qnnaqah. Wada huwa mesa smruwa ita ka Bukung de, kesa ta smruwa seediq uri.

Lnglungi ka oda ga baro, iya lngelung oda bobo dxeral.

Yamu we meepah namu ani maanu, pdai lhebun namu meepah kana. Mntena so nii namu meepah Bukung, uxe seediq ka sqeepah.

So kiya de, yamu we gneegan Utux Baro, mrtaso, seediq sgaalu. Kiya de plkusi gmhuwe, psbrinah, tlebu lhebun, mhenuk lhebun ma knremun.

Pdai klegan knkela, pniqi lhebun namu ka knttuku kari Kiristo. Pdai kari uyas, uyas ttndahu, uyas bgihur pptgesa ma pddudul. Kiya uri we pdai qqaras lhebun tndhui ka Utux Baro. Kiya de ani maanu ooda namu, rmengo mmaanu ma mooda mmaanu we, pdai ngayan Yesu Bukung. Pooda ngayan na mqaras Utux Baro Tama ta.

Uxe wano nii, asi namu ka plukus gnaalu, ado gnaalu ka tduwa mlutuc kana malu.

So kiya de, nasi namu wada msuupu Kiristo mtuutuy peeyah hnqilan de, pgsai ka ga baro. Ga hiya ka Kiristo, ga tleung narac Utux Baro.

Pniqi pusu ckceka lhebun namu ka mtbale bnege Kiristo. Ado nii ka pnlawa na yamu ma, wada namu ms1 heyi. Kiya uri we pniqi qnaras ka lhebun namu.

So kiya de, phqili ka heyi namu ga bobo dxeral. Mntena so mhemuc mngaangal, qnrutiq, qnnaqah ooda, kkraguh naqah ma sqquru lnglungan. Sqquru lnglungan nii we kiya ka thmuku tikung.

Ado wada namu mhuqil ka yamu da, knuudus namu we gisu pspuun Kiristo ga liingun berah Utux Baro

Kiya de saya de lhelah ka kana so nii. Kiya ka qnriqu, seang, naqah lhebun, ssngayan ma peeyah naqah kari quwaq namu.

Iya pqberiq, ado namu wada lhlahun ka seediq cmucac ma qneepah cmucac seediq. Plkusi namu seediq bgurah, seediq bgurah nii we pnooda hnyegan Bukung snmalu heya ini setuq psbgurah meniq gnkela.

Yamu drseno we, glaani mqedil namu. Iya trqili ka dheya.

Yamu lqlaqi we, ani maanu we thei tama ma bubu namu. Ado so nii we qqrasun Bukung kiya.

Yamu mmqedil we, thei rseno namu. So nii we mndungus meniq Bukung.