Popular Bible Verses from Korosay 2

Share

Wada namu ngalun ka Kiristo Yesu Bukung de, asi namu ka smtama riyung Heya muudus. Pyugi so snlhayan namu, ttgamil meniq Kiristo ma tgdehu snhiyan namu ma, stngai qnqaras ka lhebun namu.

Qlahang ka yamu, duma seediq we gisu dmoi snlhayan daha ma kari skbrhuwan, ini puyu Kiristo ma wano muyu gaya bobo dxeral ma snlhayan uka dungus mqerac yamu ka dheya.

Mnhuqil namu ckceka qnquwan daha ka ini oda ptgaya psalak ka heyi namu cuuxal da. Wada smruwa kana qnquwan namu ka Utux Baro, kiya ka dehuk namu msuupu Kiristo muudus ka yamu. Sresan na ka gaya pnatis, knpais ita ma, patis bnekuy ita. Wada na lixun ma spteetu na bobo jyujika.

Ado kana knstngayan Utux Baro ani niqan hnyegan ma uka hnyegan we ida ga meniq ckceka Kiristo kana. Maha namu mttuku ka yamu uri meniq namu ckceka Kiristo. Heya ka pusu ba tunux kana beyax mpqlahang.

Maanu so kiya de, iya pdai noda uqun, snseman, snseman bgurah knkawas ma ali sngayan noda so nii moda mprengo yamu ka ani ima seediq. Kana nii we saso mmeyah. Bale ba heyi we kiya ka nKiristo.