Popular Bible Verses from Korosay 1

Share

Wada tana pkdusun peeyah pusu beyax mnkuung, hrigun ta na thdilun qnlhangan gnaalu Laqi na.

Ado kana ani maanu we snmalu ckceka na kana, ani ga baro, ani ga bobo dxeral, qtaan, ini qtai, ani niqan beyax na, ga qmnlahang na, ga dmudul na, nii dmoi pusu beyax na, pnooda Heya ma ado Heya ka smnalu kana.

Pnlaale kana ani namu ka heya. Smtama Heya kana kiya ka niqan ka kana ani maanu.

Laqi sgaalu nii we kiya ka hnyegan Utux Baro ini qtai, kiya ka pnlaale ba mntuting, tgberah ba kana smnlean.

Kiya uri, wada nami mbahang ciida de ini nami psetuq dmurun yamu ma mesa Utux Baro. Tai so stngayan kana knkela bgihur ma mkela lmngelung ka yamu. Betaq namu mkela ba lnglungan Utux Baro. Kiya de so ooda namu we maha pnuglengu Bukung, ani maanu we pqqaras Heya. Kana malu noda we mghei bale, quri gnkela Utux Baro we krinah mgkala.