Popular Bible Verses from Esaaya 42

Share

Miin Joomiraaɗo, mi noddii ma faa ngaɗaa sariya dartiiɗo. Mi tiigorte e junngo am, mi reenete, mi waɗan laatoɗaa amaana hakkunde am e yimɓe, laatanoɗaa lenyi annoora, faa peertaa gite wumɓe, omtaa ommbaaɓe ley suudu kasu mburtinaa jooɗiiɓe ley nimre.

Miin woni Joomiraaɗo, wo noon woni innde am. Mi hokkataa teddeengal am goɗɗo. Tooruuji keɓataa teddeengal am.

Inan maccuɗo am mo njingananmi, cuɓaaɗo am mo ceyortoomi. Mi wattii Ruuhu am e makko. O hollan lenyi sariya dartiiɗo.

O heltataako fay kullowel ɓaƴƴiingel o nyifataa fay fitilla kaajaaɗo nyifude. O hiitorto sariya goongaajo. O somataa, o tampataa faa nde o tabintini sariya dartiiɗo ley duuniyaaru. Leyɗe hakkunde maayo fuu na keɗii ekintinol makko.

Mi waɗan wumɓe njaha dow laawol ngol anndaano. Mi rewnan ɓe dow balangol ngol koyɗe maɓɓe njaaɓayno. Mi waɗan nimre laatoo annoora yeeso maɓɓe. Mi uwan lugge dow laawol maɓɓe. Goonga, wo ɗuum ngaɗananmi ɓe, mi yoppataa ɓe.

Inan kujje arandeeje paltake. Miɗo haalana on ko heyɗi, gilla ɗum waɗay, miɗo humpita on kabaaru majjum.