Popular Bible Verses from Esaaya 43

Share

Inan miɗo waɗa huunde heyre. Nde fuɗɗan gilla joonin. Yalla on anndaa ɗum naa? Mi waɗan laawol ley ladde yoornde e gooruuji dow leydi njoorndi.

Nde peccitataa diyeele, miɗo wondi e maaɗa. Nde peƴƴataa gooruuji mawɗi, ɗi njoolataa ma. Fay si aɗa yaha nder yiite nge wulataa ma, ɗemle magge nyaamataa ma.

O wi'i: Taa miccitoɗon ko faltii, taa taykoɗon ko wittii.

Ammaa joonin, inan ko Joomiraaɗo taguɗo ma, aan Yaakuuba, gaɗuɗo ma, aan Israa'iila wi'i: Taa hulu, sabo mi rimɗinii ma, mi noddirii ma e innde maaɗa, wo a jeyal am.

saabe aɗa laatanii kam korsuɗo, a teddinaaɗo, wooɗi du miɗo yiɗi ma, mi waɗan yimɓe loomta jukkungo maaɗa mi hokkan lenyi faa yonki maaɗa daɗa.

Sabo wo miin woni Joomiraaɗo, Laamɗo maaɗa, Ceniiɗo Israa'iila, kisinoowo ma. Mi hokkii Misira faa keɓtaa hoore maaɗa. Kuus e Seba du loomtante

Taa hulu, sabo miɗo wondi e maaɗa. Mi wartiran ƴuwdi maa gilla lettugal, mi hawrondinan suudu maaɗa gilla gorgal.

Wo miin, ayyo miin tan, miin e hoore am woni mooytoowo lutti maaɗa. Mi miccitataako hakkeeji maaɗa katin.

Wo on seedeeɓe am. Noon Joomiraaɗo wi'i. Wo on maccuɓe am ɓe cuɓiimi, faa anndon de ngoonɗinon kam de paamon wo miin woni Laamɗo. Caggal am alla fay gooto tagaakano, wooɗi yeeso am du, fay gooto waɗataa.

Wo miin, miin tan woni Joomiraaɗo, kisinoowo goɗɗo walaa si wanaa miin.

Goonga, gilla ndeen wo noon ngoorumi, wooɗi fay gooto waawaa hisinde goɗɗo e junngo am. Si mi waɗii goɗɗum, moy waawi haɗude ɗum?

Kulle ladde teddinan kam. Baagaaji e ndawuuji fuu manan kam, sabo mi waɗii ndiyam wubbii ley ladde yoornde. Gooruuji du, na ila dow leydi njoorndi, faa mi yarna yimɓe am ɓe cuɓiimi ɓeen. Lenyol ngol taganmi hoore am ngool manan kam.

Mi wi'an soɓɓirre: Yoofu ɓe! Mi wi'a horɗoore: Taa fadda ɓe! Wartir ɓiɓɓe am worɓe wonnooɓe to woɗɗi e ɓiɓɓe am rewɓe wonnooɓe faa keerol leydi, noddirteeɓe innde am, ɓe tagumi saabe teddeengal am, ɓe ngaɗumi de moƴƴinmi ɓeen.

Inan ko Joomiraaɗo, diiduɗo balangol hakkunde maayo, peccuɗo laawol hakkunde diyeele cemmbiɗinɗe, nelduɗo torkooji e pucci, jom konunkooɓe semmbiɗinɓe, e sordaasiiɓe ɗuuɗɓe, hawritinɓe oon wi'i: Ɓe pukkake de ɓe ummitataako katin, Ɓe nyifii hono ɓoggol fitilla.

Miin woni Joomiraaɗo, Ceniiɗo mooɗon, taguɗo Israa'iila, kaananke mooɗon.