Popular Bible Verses from Esaaya 41

Share

Taa hulu, sabo miɗo wondi e maaɗa. Taa ye'e-ye'enin e kulol, sabo miin woni Laamɗo maaɗa. Mi semmbinɗinte, mi dannete. Mi wallitirte e junngo am semmbiɗingo ngoon.

sabo miin Joomiraaɗo, Laamɗo maaɗa oon, wo miin tiigii junngo maa nyaamo, miɗo wi'e: Taa hulu, mi dannete!

Inan tikkanɓe ma ɓeen fuu, semteende e wemmbere moɗan ɗum'en. Filantooɓe ma fitina ɓeen fuu kalkan faa lalla.

Aan mo umminmi gilla keerol leydi, mo noddumi faa to ɓuri woɗɗude, mo mbi'umi: Wo a maccuɗo am, mi suɓake ma mi yoppataama ma.

A filoyto haɓdiiɓe ma ɓeen de a yi'ataa ɓe. Wayɓe ma ɓeen laatoto ɓolum

Taa hulu, aan Yaakuuba, laatiiɗo hono njilngu. Aan Israa'iila, jilngel, mi dannete. Noon Joomiraaɗo wi'i. Miin dimɗinoowo ma, Ceniiɗo Israa'iila oon.

Ammaa aan Israa'iila, maccuɗo am, aan Yaakuuba, mo cuɓiimi, ƴuwdi Ibrahiima, yigoo am.

Mi waɗan gooruuji mbubba dow tile joorɗe. Ilduɗe ilan hakkunde naɗɗi. Mi waɗan ladde yoornde laatoo weendu de leydi njoorndi du laatoo mamasiiji.

Lo'uɓe e tampuɓe na piloo ndiyam ammaa keɓataa. Ɗemle maɓɓe na njoori saabe ɗomka. Miin Joomiraaɗo, mi jaaboto ɓe! Miin Laamɗo Israa'iila, mi yoppataa ɓe.

Moy waɗi ɗum, moy tagi ɗum? Wo noddoowo jamaanuuji gilla fuɗɗoode oon. Miin Joomiraaɗo, wo miin woni arandeejo. Sakitotooɓe du mi wondiran e muɓɓen hono noon.

Mi tiiroto leɗɗe seddere e gawde e miiri e jaytun ley ladde yoornde. Mi tiiroto du leɗɗe sipire e sii leɗɗe feere feere fuu ley nokkuure wootere. Noon waɗata faa ɓe fuu ɓe nji'a, ɓe annda, ɓe taykoo, ɓe paama faa laaɓa wo junngo Joomiraaɗo kam waɗi ɗum, wo Ceniiɗo Israa'iila oon tagi ɗum.