Popular Bible Verses from Esaaya 40

Share

Kanko semmbinɗinta lokkaajo, o ɓeydana tampuɗo semmbe.

Hayotooɓe na coma, na tampa fay jokolɓe semmbiɗinɓe na pergoo. Ammaa hooliiɓe Joomiraaɗo ɓeen kaa, semmbe muɓɓen na heyɗita wakkati fuu. Iɓe piira hono ciile cemmbiɗinɗe. Iɓe ndogga de ɓe comataa. Iɓe njaha de ɓe tampataa.

Yalla a anndaa naa? Yalla a nanaay naa? Joomiraaɗo woni Laamɗo duumiiɗo. Kanko diidi keerol leydi. O somataa, o tampataa. Anndal makko walaa haddi.

Daande na ƴeewnoo na wi'a: Cegilanee Joomiraaɗo laawol ley ladde yoornde! Moƴƴinanee Laamɗo meeɗen balangol ley naɗɗol joorngol.

Huɗo yooran, pinndi du ɗaylan, ammaa konngol Laamɗo meeɗen tabitan faa abada.

Ndeen teddeengal Joomiraaɗo ɓangan. Adunaaru fuu yi'an ɗum nde wootere. Noon Joomiraaɗo wi'i.

Naɗɗi fuu kebbinnee, baamle e tile fuu leeƴinee, ko laatinoo toowndiije fuu jippinee, nokkuuje ɗeen fuu mbaaloo.

O duriran coggal makko ngaal hono no duroowo durirta kulle muuɗum noon. O mubigoto ɓikkoy baali kooy e junngo makko. O wakkoto koy dow balaaje makko. O ɗowan baali musinteeɗi.

Ɓantee gite mon de ndaaron dow: Moy tagi kujje ɗeen? Wo kanko wurtinta koode kammuuli ley hoɗorde muɓɓen. Imo noddira ngel hen fuu e innde muuɗum. Saabe baawɗe makko e semmbe makko de fay gootel nyakaay.

Wo kanko woni jooɗiiɗo faa dow jiimande mbeɗu leydi. Imo tiima jooɗiiɓe e mayri na nga'i hono baɓɓatti. Kanko weƴƴiti kammuuli hono wudere, o feerti ɗi hono hukum faa o jooɗoo e majji.

Kaaldiree Urusaliima e yurmeende, kollon ɗum ko balɗe maccungaaku muuɗum timmii, hakkeeji muuɗum njaafaama. Joomiraaɗo hiitake ɗum fodde hakkeeji muuɗum fuu.

Daande wi'i: Ƴeewna haalu! Goɗɗo ƴami wi'i: Ɗume ƴeewnotoomi mi wi'a? Mbi'aa: Yonki fuu na laatii hono huɗo. Darja muuɗum du na laatii hono pinndi gese. Huɗo yooran, pinndi ɗaylan wakkati foofaango Joomiraaɗo fanti dow muɓɓen. Si goonga yonkiiji ɓiɓɓe Aadama na nga'i hono huɗo.

Laamɗo Joomiraaɗo wardan e baawɗe. O laamorto e semmbe junngo makko. Imo wondi e njobdi makko, mbarjaari makko na ardii mo.

Laamɗo mon wi'i: Mbaaltinee, mbaaltinee ɓerɗe yimɓe am.

Moy fonndiri diyeele maayooji e junngo muuɗum? Moy waawi fonndirde kammu e newre junngo muuɗum? Moy waawi fonndirde sollaare dow mbeɗu leydi fuu e kaakol? Moy waawi fonndirde baamle e ponndirgal? E fonndirde tile e etirgal? Moy waawi fonndude miilooji Joomiraaɗo? Moy laatii tindinoowo mo? Moy o haaldi e muuɗum faa o faamitoo goɗɗum? Moy ekiti o saroraade goonga? Moy janngini o anndal? Moy holli o no paamal heɓirtee?