Popular Bible Verses from Rúman 3

Share

Kángkáng banet baa/róng ké byibî, ne ba/firi tíbítíbí ké bushú ḿbú Osówo mú mu o-nyii ng banet. Nké ké bubwô ḿbú eyáré nyí kanong emen ńké Osówo o/kye banet dyikáá, Osówo mu o-két ng mpan o-nwa banet ké bubwô ḿbú Jisos Karâs mú mu o-chi i banet ba-fem ké byibî.

Osówo mu o-két ng mpan o-nwa banet ké bubwô ḿbú dyityém efé ne Jisos Karâs. Osówo mu o-chi i ńkyín ne nang yeě nang yeě mú o/bángê ké Karâs ne dyityém emen, ké ebóng, kángkáng banet mbe eringe ebónge ké bushú emen.

Osówo o/yip Jisos Karâs o-chi kyifen, eringe nyí ké bubwô ḿbú bukyû emen, nyǐ o/chi o-firi bukwóp ḿbú Osówo o/chi o-kûpwoo banet ké byibî, ké bubwô ḿbú dyityém efé ne nyǐ. Osówo o/chi ńkyín, eringe nyǐ odatông kanong emen. Ké nkéré mú o/shwôm ké esim, Osówo o/mû o/ryí ofit, ne o*da/tóbê kyi-kim ne byibî ḿbyí banet ba/chi*. Nké kántîk, ké nkéré mú kántîk, Osówo o-kú o-tóbê ng kyi-kim ne byibî ḿbyí banet, eringe nyí odatông kanong emen. Ké bukwóp ḿbún, Osówo mu o-tông ng o/fu, nyǐ oyén mu kanong, ne nyǐ mu o-két ng mpan o-nwa nang yeě nang yeě mú o/bángê ké Jisos ne dyityém emen.

Ké ebóng, onet o*fí mú Osówo odakét mpan o-nwa ǎ* ké bubwô ḿbú mu o-chi i ńkyí Byije-Músis byi/sét*. Bǎmkpóngé ḿbé Byije-Músis mbyi byi-chi i mbe něen, ba/fu, onet onyît o/fu, nyǐ oo/chi kyibî.

Wǎ eringe nyí ejá-Osówo nyí ba/sáng kyísí e/sét e/fu, onet o*fí mú mu kanong ké bushú ḿbú Osówo*. Onet o*fí mú mu o-nyît ng kyikû* kyi-kim ne ńkyí nkyi ntûntû* nang mú mu o-kyé ng o/fu, nyǐ o-kyú u ne Osówo*. Kángkáng banet baa/pín kashú ebe, ba-bírî Osówo esim. Ba*fí to wǎ chwǒm*. Onet o*fí nang obónge* mú mu o-chi i kanong*. Nang kaanet ka*fí*.

Ké ebóng, be byimu byi-nyît ng ké ntûntû byi/fu, Osówo mu o-két ng mpan o-nwa onet ké bubwô ḿbú dyityém efé ne Jisos nké nke. *Chí ké bubwô ḿbú mu o-chi i ńkyí Byije-Músis byi/sét*.

Ké ntûntû, kyi*fí éné*. Â nang kángkáng banet mbe ba-sét ng kyisédéng, Osówo o-man o-sét ntûntû, wǎ eringe nyí ejá-Osówo nyí ba/sáng kyísí e/sét e/fu, nang nkéré orá nké wo a/raa, ǎ Osówo, nang yeě nang yeě o-man o-nyît ké ntûntû o/fu, wo amu a-sét ng ntûntû. Wo a-man a-kpógê banet ḿbé mbe ba-sét ng byiraa ba-bât ng ǒ ké mpan.