Popular Bible Verses from Rúman 2

Share

Nké ben bayén, ǎ bacín ejí, bamu ba-chi i bachíchí-byěm ḿbyín ḿbyí bamu ba-pan n barî-banet ḿbé áku mpan ké byiko. Ben ké ntûntû baa*man efem busông ḿbú Osówo*. Ben bamu ba-kúng ng Osówo ké achi dángé, ké ebóng, o/jang ecángê dyityém, ne o*fí o-kyâ běn busông ochéé óchee* ké ofit mú mu o-ryí i ne ben chwóó*. Ké ntûntû, ben bamu ba-nyît ng ba/fu, Osówo o/cángê dyityém, ké ebóng, mu o-kan n o/fu, nyǐ o-chi i běn ba-saa byiko ba-mîng byibî enen echi.

Ben, ǎ bacín ejí, nang bamu ebóng dyizong-banet, ba*fí ne bukwóp nang bubónge* ḿbú badapan barî-banet mpan ké byiko*. Ké ebóng, â ba/sét barî-banet ba/fu, mbé baa*nwa* nké ben to bamu ba-chi i azong-byibî-byěm abónge nyí mbé mbe ba-chi i, ányi bamu ba-két ng mpan mú oda běn ebên ben bayén.

Ké ebóng, kángkáng banet mbe eringe ebónge ké bushú ḿbú Osówo.

Ké ebóng, *chí ké bubwô ḿbú Byije-Músis ejwo nké Osówo mu o-két ng mpan o-nwa banet*. Nké nkyi ké bubwô ḿbú byěm echi wǎ eringe Byije-Músis byi/sét.

Ké ebóng, Osówo o/chi o-kye nang yeě nang yeě eyáré nyí e/kwárê ké ńkyí nyǐ oo/chi.

Banet bakíri mbe ba-ryuu ng ba/fu, mbé ba-chi i ńkyí nkyi kyi-nyîn n kámbé nké nke. Ba-mîng ng ńkyí nkyi kanong, ba-kúng ńkyí kii*nwa*. Osówo o/chi o-pwó azong-banet ányi busa-dyityém ne kafâ esa emen ké byiko.

Ké bubwô ḿbú ben bamu ba-jang ng eshwane ashí kâng, ben bamu ba-chi i busông ḿbú enen bu-bwa bu-jê bu-shwôm ké Dyicí ńdyí Osówo o/chi o-tông busa-dyityém emen, o-pan banet mpan ké bukwóp ḿbú bu/kwárê.