Popular Bible Verses from Rúman 4

Share

o*da/mîng dyityém emen ńdyí o/fé ne Osówo* ne o*da/kán ké dyishí ké ocím mú Osówo o/ryí*. Dyityém emen ńdyí o/fé ne Osówo dyi/kye ǎ busa, ne o/kye Osówo akpee. Nyǐ o/mû o-nyît ng kanong kanong o/fu, Osówo o-man o-chi ńkyí o/ryí ocím.

Wǎ eringe nyí ejá-Osówo nyí ba/sáng kyísí e/sét e/fu, me nn/chi ǒ a-firi bonchí mú byikim-eshê chwóó. Ké bubwô ámbu, ocím eryí ámu o/nwa ké bushú ḿbú Osówo mú Ébarahâm o/bángê ne nyǐ. Osówo mú mu o-jwóbê ng banet ḿbé baa/kpú ba-bwa ké dyikpen, ne mú ejá emen edaman echi chwǒm ńkyí kyi/mû kyi*fí* kyi-byí.

Osówo o/yip ǎ o-tî o/fu, okpú ké dyishí ńdyí byibî eten, ne Osówo o/jwóbê ǎ o-bwa ké dyikpen, eringe nyí odakét mpan o-nwa bě.

Ébarahâm o/bángê ne dyityém emen ne o-tî achi ké nkéré mú achi etî ké chwǒm a/mû a*fí*. Ne ké bubwô ámbu kâng, o/firi bonchí mú byikim-eshê chwóó. Wǎ eringe nyí ejá-Osówo nyí ba/sáng kyísí e/sét e/fu, kyikû-banet eyên kyi/chi kyi-jê kanong kanong.

Osówo o/ryí ocím emen, ké ebóng, Ébarahâm o/mû o/fé dyityém ne nyǐ, eringe nyí ńkyí Osówo o/ryí ocím kyi/chi kyi-kyú kanong kanong ńkyí Osówo oo/kye kyikû-banet ńkyí Ébarahâm dyikáá. *Chí banet ḿbé mbe ba-chi i ńkyí byije byi/sét nké nke* nké ḿbé ba/bángê ké Osówo to, wǎ eringe nyí Ébarahâm o/bángê ne dyityém emen. Ké ebóng, Ébarahâm mu wǎ bonchí eten ashí amúmú.

Bunyîn-dyityém mbu ne banet ḿbé Osówo oo/pwoo kámbé ké byibî-byěm ebe ḿbyí ba/chi. Ḿbé Osówo oo/cít byibî ebe. Bunyîn-dyityém mbu ne onet mú Otu Kyítá oo*ba/chi o-pan byibî emen ḿbyí o/chi*.

Ejá-Osówo nyí ba/sáng kyísí e/sét e/fu, Ébarahâm o/bángê ńkyí Osówo o/sét ǎ, ne ké bubwô ḿbú dyityém emen ńdyí o/fé ne Osówo nké Osówo o/koo ǎ wǎ onet mú onong.