Popular Bible Verses from Azáya 54

Share

Nké kyiyám kyi*fí ńkyí kyi/chi kyi-némê ǒ*. Wo a/chi a-já ejá nyí adafaa kángkáng banet ḿbé mbe ba-bât ng ǒ byiraa. Me n/chi m-bwom bǎmgbán ejí ké esim, n-chi kámbé ba-kpógê. Óburúkpâbí nké o/raa.

Eku nyí nyáám ne nyí kyísí kyísí e-man n ebûu, nké kyijé ńkyí mu ne nkyí ne wo kii*man ne banyá*. N/chi n-tî ocím ejí mú n/fu, wo a-kyú u ké bunyîn-dyityém ne banyá. Éné nké Óburúkpâbí mú amu a-jê ng ǎ mu o-sét ng.

*Dachi a-shî*. Baa*fé ǒ to éshwân*. Baa*tún ǒ to fúú*. Wo a/chi a-ráp dyityém ńdyí a*da/fé ne otyép eyên* wǎ onyi mú ofyîfî, ne kyibî-dyikpen eyên ńdyí a/kyú kǎnchí wǎ onyǐnkú.

Osówo mú o/chi ǒ, o/chi o-kyú otyép eyên. Nyǐ o-bángê e Óburúkpâbí mú o/rêe o-shwôm. Osówo mú onong mú Ézerel o/chi o-nyii ǒ. Nyǐ nké mu Otu mú ejíí emúmú.

Nere mpyep mú badabí ké byídí mú amu a-kyú u. Fé byikwap ḿbyí byifyîfî, a-chi kámú o-shwane.

Me oyén n/chi n-tángê banet eyên n-kye kámbé byěm ḿbyí byinong ne bunyîn-dyityém.

Kafâ ka/sa mě m-bírî ǒ esim ké kaǎnyín-nkéré, nké n/chi n-tông ǒ kyijé ejí ńkyí kyi/chi kyi-waa ne banyá. Éné nké Óburúkpâbí mú mu o-nyii ng ǒ mu o-sét ng.

me n/dim m-mîng ǒ ké kaǎnyín-nkéré, nké n/chi n-chî ǒ ekoo ne kiǐtí-kyijé.

Ké nkéré mú Núwa, n/ryí ocím n/fu, nn*na to omu* buce bu-sú bu-cít ejíí*. Kántîk, mu n-ryí i ocím n/fu, nn*sa to kafâ ne wo*. Mm*ba/chi m-bîn ǒ* n-kye ǒ nang busông*.

N/chi m-bi biǐnyáám-byikit-mbâm eyên ne aká nyí adakaa, n-fé afyi eyên ké aká nyí adasan wǎ okwâ, m-bi ekpe nyí e/chi e-wáp ǒ e-fé ké kafâ ké aká nyí adajang enwa.