Popular Bible Verses from Azáya 55

Share

Óburúkpâbí o/raa o/fu, ekabe nyí emen e*fí wǎ nyí enen* ne akwóp nyí emen a/yángê ne nyí enen.

Eringe nyí bubóng bu/nyâam bu-shwôm esí, éné to nké ekabe ne akwóp nyí emen byi/nyâam byi-shwôm ḿbyí enen.

Kántîk mú Óburúkpâbí mu fáráng, bírî n̂g ba-kâm ǎ, ba-fé nshwam ba-kye ǎ.

Byibî-banet byimîng akwóp-dyikpen ebe, ba-yángê bukwóp ḿbú mbe ba-kabe ng byěm. Babírî ba-kâm Óburúkpâbí mú mu Osówo eten. Nyǐ o-ri ng banet bafip, ne kyibî kii*sóng ǎ epwoo*.

Óburúkpâbí o/raa o/fu, nang yeě mú omu mu o-jê ng ǎ obâ, omu mu nyín. Bâ n̂g, ben mú ba*fí ne akpuga* ba-ré byiryíng ba-ryí. Bâ n̂g ba-ba-ré bato ne abî-mpong, nang kóbo baa*kye*.

Ejá ejí nyi wǎ abíp ne omu ḿbyí mbyi byi-fím m kyíbóng byi-bâ ng ecok esí. Byi-chi i byíkwôn byi-kán, byi-chi esang-byichí nyí badakwón ne byiryíng ḿbyí badaryí. Éné to nké ejá ejí nyí ndaraa edakyú, ee*mîng echi ńkyí me ndasét n/fu, echi* e-chi i kángkáng byěm ḿbyí ndatwóm kányí n/fu, echi.

Ben ba/chi ba-kûjêe ké nkéré baa/mîng Bábyílon. Ba/chi ba-kpî běn ba-byí ké oshê ámu ne bunyîn-dyityém. Eku nyí nyáám ne nyí kyísí kyísí e/chi e-kûkwán ekwan, ne byichí byi/chi byi-kwán ekwan ké bunyîn-dyityém.

Kántîk, fwôo n̂g atông, ǎ banet ejí, ba-bâ ba-kâm mě. Bâ n̂g ba-kâm mě ne ba/chi ba-já dyikpen. N/chi n-ryí ocím n-sem byiko ejí mú odawaa ne banyá ne ben, n-kye běn banjware ḿbé n/ryí Otu Dívit ocím.