Popular Bible Verses from Azáya 53

Share

tongfwán ba/mín ǎ ba-némê ǎ ké bubwô-byibî eten. Be bii/nyange ké bubwô-busông ḿbú nyǐ o/ri, byi-firi kanong ké byimirî ḿbyí ba/mín ǎ.

Be ashí amúmú byi/mû wǎ etám-ebû nyí e/mû ee/tánê, onet ne onet ké kiǐfáng ńkyí emen. Nké Óburúkpâbí o/chi ǎ nyǐ o-ri busông ḿbú bu/mû bu/já bě ashí amúmú.

Nké nyǐ o/ri busông ḿbú bu/mû bu/chi bu-kyú ḿbú eten, ne bubân ḿbú be byi/mû byi/chi byi-jwo. Be byi/mû byi-kabe ng byi/fu, Osówo mu o-kyâ ǎ busông ké byibî emen

Be byi/ciring ǎ, byi-né ǎ. Nyǐ o/ri busông, o-jwo bubân. Onet o*fí mú o/tún ǎ nang achi ké byiko*. Be byi/né ǎ wǎ o*da/byí chwǒm*.

Ba/tî ǎ ké bukwóp ḿbú boo*nwa* nké nyǐ o/cíp dyityém o-ryí ofit, nang ojá o*da/faa*. Nang ojá o*da/tigi o-faa* wǎ etám-ebû nyí ba-kú ba-bâ eju kányí, ne nyí ba-kú ba-bâ epwát kányí eríp ké byiko.

Óburúkpâbí o/raa o/fu, me nké n/fu, ori busông. Bukyû emen bu/mû kyifen ńkyí ndapwoo banet byibî. Ne ké bubwô ámbu, nyǐ o/chi o-ri bwǎn ḿbé bwǎn emen. O/chi o-kpen chwóó, ne okabe ejí o/chi o-cen ké bubwô emen ne o-byí dyishí.

Óburúkpâbí nké o/bángê o/fu, ḿgbán emen okán wǎ osu-kyichí ńkyí nkyi kyi-kán n ké kyikit ńkyí omu o*fí*. O*fí ne ofê ne bunong ḿbyí byida bě echi byi-tî ǎ achi ké byiko*. Chwǒm ńkyí kyinong kyi*fí ǎ ké byiko*. Chwǒm kyi*fí ǎ ńkyí kyida bě echi byi-fárâng ǎ*.

Ne ké bubwô ámbu, n/chi n-kye ǎ kiǐtí-ofê ké burwám-biǐtí-banet. Ké nǎ, nyǐ o/bángê o-kye dyikpen emen, o-koo edángé nyí byibî-banet badakoo. Nyǐ o/ri busông ké dyishí-banchi byibî chwóó, [o-fé nshwam o/fu, kyi/bát Osówo opwoo kámbé ké byibî ebe.]

Ké nkéré oo/ri busông chwóó, o/chi o-chîbwa ké bunyîn-dyityém. Nyǐ o/chi o-nyît o/fu, nyǐ o*da/ri afaníkong dyikáá*. Ḿgbán ejí mú o/chi kanong o/chi o-ri busông ké dyishí ńdyí banet chwóó, ne ké bubwô emen, n/chi m-pwoo kámbé.

Ba/kám ǎ, ba-két mpan o-bên ǎ, ba-yip ǎ edaju, nang onet obónge mú o/kabe kyi-kim ne dyikpen emen o*fí*. Ba/ju ǎ ké bubwô-byibî ḿbyí banet eten.

Ba/fé ǎ ké dyikun ne byibî-banet, ba-ryii ǎ ne banfang-banet, nang ké nang kabónge o*da/chi kyibî* o-sét nang kyisédéng*.