Popular Bible Verses from Galíshan 5

Share

Nké Busun-Osówo bu-kyâ kyijé ne bunyîn-dyityém ne kanong ekyú ne barî ne ofit eryí ne dyityém ecángê ne kanong echi ne dyityém efé ne barî ne byiko ejwâa kyísí ne dyityém eyên eníbî. Kyije kyi*fí ńkyí kyi/ciring azong-byěm wǎ ńnyín*.

Ńkyí mu n-sét ng běn nkyi něen, mîng n̂g Busun-Osówo bu-kû běn etông eringe nyí badakyú akpen enen. Nké *da n̂g echi ba-chi ńkyí byibî-atyém enen nyi a-ryuu ng*.

Busun-Osówo boo/kye bě dyikpen. Mbú to bu-man bu-tông akpen eten kiǐfáng.

Ne banet ḿbé ba/já Jisos Karâs baa/mîng byěm ḿbyí byibî-atyém ebe nyi a-ryuu ng, cibicibi ne kángkáng ekabe nyí nyi e-tírîng ng bě byi-chi byibî.

Ńkyí byibî-atyém eten byidachi nkyi gbúúl. Kyi-tông ng byiko emen ké byibî-byěm echi ne ne banet erí byiryibyiryi ne byibî-acáá echi ne bakye esháng ne ekpábé echi ne ashwôn eshwôn ne anwa enwa ne achi etî ké byěm-banet ne kafâ esa ne kanim enim ne barî-banet epap ne omiríng etî ké byěm-banet ne bato ebwóm ne enyam-byiryíng eryí ne azong-byěm echi to akíri wǎ ńnyín. Me mu n-kuri ng běn ekó kántîk wǎ eringe nyí m/mû nn/kuri běn n/fu, banet ḿbé mbe ba-chi i azong-byěm ńnyín baa*ba/chi ba-nung ké Butu ḿbú Osówo*.

Kyi-kim ne ben, ǎ bwǎn-bané ejí, Osówo oo/kó běn o/fu, ben bakyú ké byiko enen. Nké *da n̂g ekúng búsóng ḿbú baa/fem ké mbú bu-firi mpât mú badakye byěm ḿbyí enyam-byiko enen nyi e-ryuu ng*. Nké mîng n̂g kyijé kyi-chi běn ba-firi wǎ bǎmgbán ne barî.

Ké ebóng, ńkyí byibî-atyém eten byidaryuu kii*nyîn Busun-Osówo*. Ne ńkyí Busun-Osówo to budaryuu kii*nyîn byibî-atyém eten*. Byěm ḿbyín byifee bii*kwárê ne barî*. Ne ńkyín kyi/byí kyi/fu, ben baa*man echi ńkyí bamu ba-ryuu ng ba/fu, ba-chi i*.

Ké nǎ, kángkáng Byije-Músis byi/jêem esim ké kyije kyibónge ńkyí kyi/fu, orî-onet ojê ǒ wǎ eringe nyí enyam-byiko eyên nyi e-jê ng ǒ.

Be bii*man byi-kûtông byiko* byi-chi nang barî-banet ba-kûsa kafâ* byi-kyú nang ne orêm ne barî*.

Okyû ké byiko eten nké mu chwǒm ńkyí byimu ne nkyí. Karâs oo/chi bě byi-firi ké byiko eten. Bwom m̂ kâng wǎ banet ḿbé mbe ké byiko ebe. *Da n̂g echi ba-bírî ba-chîfiri básóng*.