Popular Bible Verses from Galíshan 4

Share

Ké otông mú o/fu, nyǐ o-tông ng o/fu, ben ba-chi i bwǎn emen, Osówo o/twóm Busun ḿbú Wǎn emen bu-ba-nung ké atyém eten, Busun-Osówo ḿbú mbu bu-fâ nshwam bu-kó ng bu/fu, Kyítá. Ké bubwô ḿbún kâng, ben ba*fí to básóng* nké ba/firi bwǎn. Ne, ké nǎ, ben ba-chi i bwǎn emen, Osówo o/chi o-kye běn kángkáng byěm ḿbyí o/tî bwǎn emen.

Nké ké nkéré mú ochíchí-nkéré o/fyi, Osówo o/twóm Wǎn mú emen nyǐ oyén. Nyǐ o/bê wǎ wǎn mú onyinyi odafwon, ne o/kyú ké busa ḿbú byije ḿbyí banet-Jûs, eringe nyí odanyii banet ḿbé ba/mû ké busa ḿbú Byije-Músis, eringe nyí be byidafiri bwǎn ḿbé Osówo.

Nké kántîk mú ba-kú ba-nyît ng Osówo, kakíri m/mû n/chi n-raa n/fu, kántîk mú Osówo o-kú o-nyît ng běn, ebóng ben ba/bwa ba-kú ba-ryuu ng ba/fu, ben ba-kú ba-chî ng ebírî ba-kâm bookyeekyee ne boonet-byikpu-bací ḿbé mbe ba-tún n ejíí. Ebóng bamu ba-chî ng eryuu ba/fu, ba-kyú u básóng ebe.