Popular Bible Verses from Galíshan 6

Share

Ké bubwô ḿbún kâng, byi*dachi byi-kyee ké byěm ḿbyí byinong echi*. Ké ebóng, â byi*da/zú abwô* nkéré o/chi o-bâ mú byi/chi byi-fuu ńkyí byi/kwón.

Ké bubwô ḿbún kâng, nang nkéré orá nké byi/já mpât, byichi kanong byi-kye nang yeě nang yeě, nké aciringaciring byi-kye banet ḿbé mbe ké kyikû-banet eten ńkyí byi/fé dyityém ne Karâs.

Chwáp n̂g barî ké busông ḿbú bamu ba-ri ng, ne ké bukwóp ḿbún, ben ba/chi ba-chi ńkyí kyije ńkyí Karâs kyi/sét kyi/fu, bachi.

*Da n̂g echi ba-nîm byiko enen*. Onet o*fí mú odaman enîm Osówo*. Ochíchí-chwǒm ńkyí onet odakwón nké onet ámu odafuu.

 onet ámu o/kwón ké kyifát ńkyí kyibî-dyityém emen, ké kyifát emen ánkyi, o/chi o-fuu byiryíng ḿbyí bukyû.  o/kwón ké kyifát ńkyí Busun-Osówo, o/chi o-fuu byiryíng ḿbyí dyikpen ńdyí ne banyá.

Bwǎn-bané ejí, â ba/kám onet nang orá ké kyibî nang kyirá ńkyí o/chi, ben banet ḿbé baa/koo Busun-Osówo, chi n̂g ǎ o-firi kanong. Nké ba-man ba-chi kánkyí ké bukwóp ḿbú degere. Ben bayén, bám m̂ byiko enen, eringe nyí ben to baa*ba/chi ba-kan běn*.

 onet mu o-kabe ng o/fu, nyǐ mu kiǐtí, mú ké ntûntû o*fí kiǐtí* onet ámu mu o-nîm m byiko emen. Nang yeě nang yeě nyǐ oyén opan édúú emen mpan.  édúú emen nyi e-nwa ng, onet ámu kâng o-man n etông kâng byiko kyi-kim ne ńkyí nyǐ oyén oo/chi. O*dachi o-kúng kánkyí o-kan ne ńkyí onet okíri oo/chi*. Ké ebóng, nang yeě nang yeě o-man o-tû dyitû ńdyí emen nyǐ oyén.