Popular Bible Verses from Ekyilyizátes 3

Share

Kángkáng byěm ḿbyí mbyi byi-chi i ké ejíí ńnyín mbyi byi-chi i ké nkéré mú Osówo mu o-tî ng.

Nyǐ mu o-tî ng nkéré mú bufwon ne nkéré mú bukyû, o-tî ng nkéré mú byěm ekwón ne nkéré mú byěm efuu, o-tî ng nkéré mú onet eju ne nkéré mú onet echi o-nyange, o-tî ng nkéré mú badabú ne mú badabi

o-tî ng nkéré mú bafip ne nkéré mú bunyîn-dyityém, o-tî ng nkéré mú dyikán eta ne nkéré mú ane ene, o-tî ng nkéré mú karíng erí ne onet ne nkéré mú baa*rí ne onet* o-tî ng nkéré mú barî erwâm ne nkéré mú baa*rwâm barî*

o-tî ng nkéré mú byěm eját ne nkéré mú byěm ebwât, o-tî ng nkéré mú pyêp ecíbî ne nkéré mú kyiraa eraa, o-tî ng nkéré mú kyijé ne nkéré mú kafâ esa, o-tî ng nkéré mú byití ne nkéré mú kyikwáré.

o-tî ng nkéré mú chwǒm ekyé ne nkéré mú chwǒm etánê, o-tî ng nkéré mú chwǒm etî ne nkéré mú chwǒm etwóp

Me mu n-nyît ng n/fu, nang ebóng chwǒm ńkyí Osówo mu o-chi i kyi-waa ng ne banyá. Aa*man esú chwǒm ké nkyí* a-fîm nang chwǒm ké nkyí*. Ne chwǒm kyibónge ńkyí Osówo mu o-chi i nkyi něen o/fu, byikû ǎ eshî.

Me n/raa ké dyityém n/fu, Osówo o/chi o-pan banet ḿbé mbe ba-chi i kanong ne ḿbé mbe ba-chi i byibî mpan eringe ebónge, ké nǎ, nyǐ [oo/tî nkéré] mú chwǒm nang kyirá nang bǎmkpóngé bará byi/chi byi-chi.