Popular Bible Verses from Ekyilyizátes 4

Share

Banet bafee ba-nwa ng ba-shwôm onet obónge, ké nǎ, mbé ashí afee cibicibi ba-man n echi bǎmkpóngé kanong kanong. Â onet obónge ké burwám ebe ashí afee o/myii, óbe o-chwáp ng ǎ o-bûu. Nké â onet mu kǎnchí ne o-myii, kyi/bên kyi-shwôm, ké nǎ, onet o*fí mú oda ǎ echwáp*.

Banet ashí afee ba-man n ekpógê bunwa ḿbú badakpógê onet kǎnchí. Orí mú ba/muu kámú ne byiká-orí byichât o-sóng ng ekét.

 dyibyi ndyi dyi-nwa ng banet ashí afee, ba-man n erí kyikit kyibónge ba-kám barî kiinsóngé, nké kiinsóngé kyi-cen n nǎ ne kyi-kám ǒ â a/rí kǎnchí.

Kakíri nkyi éné. Nké kyi/nwa ńkyí adakyú ne kaǎnyín ne dyityém chee kyi-shwôm ńkyí adachi bǎmkpóngé kángkáng nkéré abwô amúmú a-kan n eringe nyí adakám bufú.

Me nn/kwâa to n-nyît dyishí ńdyí banet mbe ba-chi i bǎmkpóngé ba-fâ busa. Nkyi ké bubwô ḿbú orêm mu o-chi i kámbé ne barî-banet ebe. Nké nkyí kyi*da/byí chwǒm*. Nkyi wǎ bufú ekám.

Onet o-man n efím ké kyikpu o-firi otu mú oshê emen. Kakíri o-fím m ké mgbokobá o-firi ké kakyúng-butu. Nké â ké bukâa emen nyǐ mu enyam o-shwôm mú oo*jwo bacê* nyǐ o*da/shwôm wǎ-kyisat* mú mu kyikpu* nké mu ne bubong.