Popular Bible Verses from कलस्सी 2

Share

जसिक टुह्र ख्रीष्‍ट येशूह प्रभु कैक स्‍वीकार कैरख्‍लो ओसहेँक टुह्र उहाँम जिटीरहो। उहाँकभित्तर गहिँरसे जर टेक्‍क परिपक्‍व होओ। टुह्र आपन जीवन उहाँम निर्माण करो ओ टुँहन सिखाइल अनुसार विश्‍वासम अरगर होक उहाँह धन्‍यवाद देटिरहो।

जागा रहो, नकि त मनैन्‍हक छली ज्ञानबुद्धिक कारण सुख्‍लम रप्‍टबो। असिन बात ख्रीष्‍टसे आइल नैहो तर मनैन्‍हक परम्‍परा ओ संसारक शिक्षासे आइल हो।

टुह्र पाप कर्लक कारण ओ व्‍यवस्‍था अनुसार खतना नैकर्ना गैरयहूदी मनै हुइलकओर्से एक समयम टुह्र आत्‍मिक रूपम मुवल रलहो। तर आब त परमेश्‍वर टुँहन ख्रीष्‍टकसँग जियारख्‍ल ओ हमार सब पाप क्षमा कैदेरख्‍ल। उहाँ हमार विरोधम लिख्‍गैल् सब तमसुक उहिँम रहल कानूनी दाबीसहित रद्द कैदेल। उहाँ ओहीह क्रूसम कील्‍ला ठोक्‍क नाश कैदेल।

काकरकि ख्रीष्‍टम जो परमेश्‍वरक सारा स्‍वर्गीय स्‍वरूप शरीरिक रूपम बास करल बा। ख्रीष्‍ट सारा राज्‍य ओ आत्‍मक शिर हुइट। उहाँम टुन्‍हक जीवन पूरा होरहल।

उहओर्से खानपिनक, पवित्र दिन मन्‍ना-नैमन्‍ना, औँसी मन्‍ना-नैमन्‍ना या बिसैना दिनिक विषयम कुई फे नियम बनाइ नैपरट्‍। यी सब बात पाछ अइना बातक छैह्‍याँ केल हो। सक्‍कली बात त ख्रीष्‍ट जो हुइट।