Popular Bible Verses from कलस्सी 3

Share

टुह्र एक-औरजहन सह्‍क बैठो, कुई टुन्‍हक चित्त दुखादेराखल कलसे क्षमा करो। प्रभु टुँहन क्षमा करलअस टुह्र फे एक-औरजहन क्षमा करो।

पृथ्‍वीक बातम नाहीँ तर स्‍वर्गक बातम मन लगाओ

टुह्र ज्‍या काम कर्लसे फे, मनैन्‍हक लाग करअस नाहीँ, तर प्रभुक लाग करअस दिलोज्‍यानले करो

टुह्र त परमेश्‍वरक र्‍वाजल प्रिय ओ पवित्र जन हुइटो। उहओर्से टुह्र करुणा, दया, नम्रता, स्‍वाझपन, ओ सहनाशक्तिह लुगाअस लगैलरहो।

ख्रीष्‍टक वचनले टुन्‍हक हृदय भरिभराउ बनाओ। आपन सारा ज्ञान-बुद्धिले एक-औरजहन सिखैना ओ सल्‍लाह देना काम करो। ओ हृदयसे परमेश्‍वरप्रति धन्‍यवादी होक भजन, स्‍तुतिप्रशंसा ओ आत्‍मिक गीत गाओ। टुह्र ज्‍या बोल्‍लसे फे, ज्‍या कर्लसे फे सब चिज प्रभु येशूक नाउँम करो ओ उहाँद्वारा जो परमेश्‍वर बाबह धन्‍यवाद देओ।

यी सब गुणसे बहुत प्रेमह अपनाओ, काजेकलसे प्रेम जो सब बातह पूरा एकतम अन्‍ठा।

टुह्र फे ख्रीष्‍टकसँग जियाक उठागैरलो, उहओर्से आब स्‍वर्गक बात खोजी करो, जहाँ ख्रीष्‍ट परमेश्‍वरक दाहिन पाञ्‍जर बैठलबाट।

ख्रीष्‍टक शान्‍तिह टुन्‍हक हृदयम राज्‍य करदेओ। यिह शान्‍तिक लाग परमेश्‍वर टुँहन एकठो शरीरम बलैलह। यी बातम टुह्र धन्‍यवादी हुइपर्ठा।

संसारम टुह्र आपन शरीरक इच्‍छह मुवादेओ, जस्‍त: व्‍यभिचार कर्ना इच्‍छा, अशुद्ध बात, छाडा चाहना, गलत विचार, ल्‍वाभ आदि, काकरकि ल्‍वाभ फे मूर्तिपूजा जो हो।

काकरकि टुन्‍हक पुरान जीवन त मुरहल ओ टुन्‍हक लौव जीवनजुन परमेश्‍वरम ख्रीष्‍टकसँग नुकल बा।

तर आब टुह्र रिस, क्रोध, डाहा, निन्‍दा, ओ आपन मुहमसे निस्‍कना फुहर बोली हटाओ।

टुह्र आपन पुरान जीवन ओ बानीबेहोरा सब छोररख्‍लो, उहओर्से किहुह लभर्ना काम जिन करो। आब त टुह्र लौव स्‍वभाव पारख्‍लो। टुह्र परमेश्‍वरक पूर्ण ज्ञान पाइसेको कैक सृष्‍टिकर्ता आपन रूपम यी स्‍वभावह लौव बनैटीबाट।

टुह्र गोस्‍यहुँक्र, आपन-आपन गोसिन्यन प्रेम करो, हुँकहीनसे नम्र व्‍यवहार करो।

टुह्र छाई-छावन, सड्‌डभर आपन डाई-बाबक कहल मानो, काकरकि असिक कर्लसे परमेश्‍वर खुशी हुइठ।

टुह्र गोसिन्यहुँक्र, प्रभुह मनपर्ना हिसाबले आपन-आपन गोस्‍यन्‍हक अधीनम रहो।