Popular Bible Verses from KOLOSA YAABA 3

Share

Yin moandi ki juuni leni yiyaba ki yaa tiendi yiyaba po sugili. Li yaa tie ke nilo bii o lielo po, nani Kilisiti n den puni yi sugili maama, yi mo n yaa puuni yiyaba sugili yeni.

Yaa kuandi mani yi yama tanpoli bonla nni, ki da kuandi yi yama ŋanduna yaa bonla nni.

Yin tiendi yaala kuli, yin yaa tiendi mani leni li yankuali nani lan dagidi o Diedo po maama, ke laa tie bi nisaaliba po ka.

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li * ŋanbili, li yumiinli leni mi dingima leni li juunli.

Kilisiti maama n gbie yi pala nni leni man pia yaa ŋalimano kuli. Yaa bangi mani ki go tundi yiyaba leni mi yanfuoma. Yaa yiini mani Pisoma, leni U Tienu yani, leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni. Yin maadi yaa maama kuli leni yin tiendi yaala kuli, tieni mani likuli o Diedo Jesu yeli po, ki yaa tuondi U Tienu yua n tie Baa kelima wani Jesu yaa po.

Yi yaa tieni laa bonla kuli ki gbeni, yin laa mani mi buama yaama taani ki loli yikuli yenma nani lan dagidi maama.

Lanwani yi yaa den fii leni Kilisiti bi tinkpiba siiga, yaa lingi mani yaa bonla n ye tanpoli po, Kilisiti n ka naankani U Tienu jienu.

Kilisiti yanduanma n yaa die yi pala nni wan den yini yaa yanduanma po ke yin tua gbananyendi o yaa niinni yeni.

Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n * joagini yaa buama kuli, leni mi ŋalimanbuama, yaala n tie nani i * buli ŋoadima yeni.

Kelima yi kpe, ke yi miali mo wuo leni Kilisiti U Tienu kani.

Ama moala yin ŋa mani yaala n tie na kuli: li pabienli, li mutuoli, ki nanga, ku tuotabigu leni yaa majoagindi n ña yi ñoana nni kuli.

Yin da pua faama leni yiyaba, kelima yi den landi u tagikpelu leni u bontienkaala, ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.

Yinba bi podanba, yin yaa bua mani yi puoba, ki da pia bipo li mutuoli.

Yinba a bila, yin yaa tuodi ki ŋua mani yi danba maama li bonla kuli nni kelima lani n mani o Diedo.

Yinba bi puoba, yin yaa miindi mani yi yula yi ciaba kani nani lan pundi o Diedo yaaba n yaa tiendi maama.