Popular Bible Verses from KOLOSA YAABA 2

Share

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni, ki yaa pia yi jiini o niinni ki suagi liiga o sanŋoadima nni. Yin go yaa se ke li pa yi dandanli nni nani ban den bangi yi maama. Yi pala n yaa gbie leni i tuondi opo hali ke li kandi.

Yin fangi mani yi yula ki da tuo ke oba kuli n cuo yi yama leni o nisaalo yanfuoma yaama n ŋua bi nisaaliba bangima, yaama n tie fanma fanma ki tie boandi ki ŋua bi nisaaliba danbogida leni ŋanduna paaciami, ki naa ŋua Kilisiti.

Yinba yaaba n den kpe kelima yi * tuonbiadi leni yin kaa den kua koanciagu yi gbanandi nni maama po, U Tienu goa ki puni ti li miali kelima o yaa po: Ki puni ti sugili ti tuonbiadi kuli po. O den bolini yaa tili yaa diani N den buni ki cuo ti ki doagidi Tin den yie o mabilikaama maama, Ki kpaa ki tabini laa tili Li * dapoanpoanli po ki bolini li.

Kelima U Tienu n tie maama kuli ye Kilisiti gbanandi nni ki dagidi. Yi mo pia li bonla kuli ke li dagidi o yaa niinni, wani yua n tugi li yuli ki die yaaba n tie mi diema danba leni u paaciamu danba kuli.

Lani yaa po, yin da tuo ke oba kuli n jia yi ti buudi kelima yin di ki go ñu yaala po, bi lan tie yaa * jaanma dana po, yaaka i ŋmapaani jaanma dana, yaaka mi * fuodima dana po. Laa bonla kuli tie yaala n baa ti cua yaa jinjingu, li bonmoanla liba tie Kilisiti.