Popular Bible Verses from Ɩzayi 42

Share

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà. Fʋ na ɩ n a zɔn bɛ lɛb nyɛrɛ, fʋ na ír'ɩ a nɩ-pàwrɩ a bɛ gaso pʋɔ, fʋ na ɩ n a bɛlɩ dem na kpɩɛr a lige pʋɔ a, bɛ yi a bɛ di-pàwrɩ pʋɔ.»

Mãa n'ɩ a Sore, a ɩ̃ yúor'ɩ lɛ. Ɩ̃ bɛ kʋ̀rɛ a ɩ̃ yúor-vɩɛlʋ-danʋ nɩ-yũo ɩ. Ɩ̃ bɛ bɛrɛ a danʋ ɩ̃ na so a kʋ̀rɛ tɩbɛ ɩ.

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ʋ bɛ kàrɛ a mur na gbɩɛlɩ a bɛrɛ ɩ, ʋ bɛ kpiire a vũu na 'lere kpɩ̃ɩkpɩ̃ɩ a bɛrɛ ɩ. Ɛcɛ ʋ sɩrɩ na ɩrɛ bɛ bãwnɛ a lɛ-na-tu-sɔr-a. Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

A yel-dãw-niwn maal'a tɔl. Ƴɛrɛŋa a, yel-paalɛ n'a ɩ̃ de niwn yere. A bɛ ta sɛr ɛ, ɩ̃ɩ ɩrɛ kɛ́ nyɩ bãw a.