Popular Bible Verses from Ɩzayi 43

Share

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ƴɛrɛŋa a, a Sore yere na: «Nyɩ ta cãà tɩɛrɛ a koro za yele ɩ, nyɩ yiiri a pùorí yele bɛr.

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Bʋ̃ʋ n'ʋ vɛ̃, ɩ̃ nɩ-tuo nɛ b, fʋ ɩ n nɩ-tɩbrʋ a ɩ̃ zie, ɩ̃ɩ nɔnɛ fʋ. Alɛ so ɩ̃ tɩrɛ nɩbɛ lɩɛrɛ nɩ fʋ, ɩ̃ dier nɩ-bʋʋrɛ tɛwr'ɩ fʋ.

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

A Sore a, mãa n'ʋ, mãa yõ. Mãa bɛ wa n'ʋ a, faarɛ bɛ ka be ɩ.

Ɩ̃ ɩ ʋ nɩ a pɛr-tib daar za, ɛ́ nɩr kʋ̃ tʋ̃ɔ́ faa nɩr a ɩ̃ nũú ɛ. Mãa wa ɩrɛ bom a, nɩr kʋ̃ tʋ̃ɔ́ lɩɛbɩ ʋ ɛ.

A wɛ-dʋn, a gbõgbo-cili nɩ a kʋlãdisowli na ƴãwnɛ mɛ̃ na, ɩ̃ na ɩ kʋ̃ɔ gbɔlɛ a wɛja-kpalɛ pʋɔ a ƴãw, ɩ̃ na ɩ mamɛ zɔrɛ a zi-kõw ŋa pʋɔ a ƴãw. Bʋ̃ʋ n'ʋ vɛ̃, ɩ̃ bɔbr'a k'ɩ̃ɩ kʋ̀ kʋ̃ɔ a ɩ̃ nɩ-bʋʋrɛ ɩ̃ na kaa ír a bɛ nyũ. A nɩ-bʋʋrɛ bɛ ŋa ɩ̃ na cɔbrɩ a ɩ̃ ƴãw a na yiele nɩ a ɩ̃ danʋ.»

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n. Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

À ŋá n'a a Sore yere, ʋl na tɩ puo sɔ́r a kʋ̃ɔ-kpɛ̃ɛ pʋɔ a, na tɩ ƴãw tɔlʋ zie a kʋ̃ɔ na damnɛ nɩ fãw a pʋɔ a. Ʋ tɩ ɩ na zɛbr-torkori nɩ wie yi, zɛbr-nɩbɛ nɩ a gãdaar. Bɛ lo na ɛ́ kʋ̃ lɛb ìr ɛ. Bɛ kpi na, bɛ baar'a mɛ̃ fɩ̃tɩlɛ pɛn a.

Mãa n'ɩ a Sore, a nyɩ Naaŋmɩn na ɩ sõw a, a Ɩsɩrayɛl Íre, a nyɩ Nãà.»