Popular Bible Verses from Ɩzayi 40

Share

Ʋ mɩ́ lɛb'a kʋ̀ fãw a bɛlɩ dem na bɛ tɛr ʋ a, ɛ́ kʋ̀ kanyir a sob nɛ na bàl ʋ za a.

A pɔlbili tɛɛ za fãw mɩ́ siwr'a, bɛ mɩ́ bàl'a. A nɩbɛ na ta nɩbɛ a mɩ́ lo na. Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Kɔkɔr kãw cɩɩrɛ na yere: «Nyɩ puo sɔ́r a wɛja-kpalɛ pʋɔ a Sore ƴãw. Nyɩ maalɩ sɔ́r a zi-kõw ŋa pʋɔ ʋ vɩɛl a tɩ Naaŋmɩn ƴãw.

A mʋ̃ɔ mɩ́ ko na ɛ́ a va-puuru vàr, ɛcɛ a Sore tɩ Naaŋmɩn ƴɛ̀rʋ na be n be kʋralɛ.»

Lɛ n'a a Sore yúor-vɩɛlʋ-danʋ na sãá, ɛ́ a nɩbɛ za na nyɛ̃ ʋ na. À à ŋá n'a a Sore yel.»

Fʋɔla za, ʋ paalɩ tanɛ do, tã-kpɛ̃ɛ za nɩ tãle za, a tuw siw man. A gbĩgbin, ʋ lɩɛbɩ zie na man taa a, ɛ́ a zi-kɛrɩ lɩɛbɩ fʋɔl-yɛlsɩ!

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Kɔkɔr yere nɩ a ɩ̃ zie: «Cɩɩrɩ yel!» Ɩ̃ sowri: «Bʋ̃ʋ n'ʋ ɩ̃ na cɩɩrɩ yel?» Ʋ sɔw: «Bom ŋa n'ʋ: A nɩsaalbɛ ɩ na mɛ̃ mʋ̃ɔ a, bɛ bɛ kpɛmɛ zuo a póru va-puuru ɛ. A mʋ̃ɔ mɩ́ ko na, a va-puuru mɩ́ var'a, a Sore sɛsɛb wa fu ŋmɛ a a. — Sɩza n'a, a nɩsaalbɛ bɛ tɛr tʋɔr mɛ̃ a mʋ̃ɔ a ɩ—.

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Nyɩ mɔwlɩ, nyɩ mɔwlɩ a ɩ̃ nɩ-bʋʋrɛ, a nyɩ Naaŋmɩn n'ʋ yere.

Ãa n'ʋ manɩ a kʋ̃ɔ-kpɛ̃ɛ kʋ̃ɔnɩ a ʋ nũsalɛpʋ̃ɔ́? Ãa n'ʋ dɔl a ʋ nobie man nɩ a salom yɛ̀lʋ? Ɛ́ a tẽsɔw tanɛ, ãa n'ʋ dĩ dĩ a ƴãw gara pʋɔ manɩ a? Ãa n'ʋ dɔwlɩ a tã-bɛrɛ nɩ a tãli tɩbrʋ bʋ̃-mána zu manɩ a? Ãa n'ʋ manɩ a lɛ a Sore vʋʋrʋ na ɩ a? A Naaŋmɩn nɩ-waala n'ɩ buor ʋ na ɩ ʋ bãw a lɛ ʋ na tɩɛrɩ a yele bin a? Ãa n'ʋ a Naaŋmɩn ƴãw ʋ wul ʋ a yã k'ʋʋ nyɛrɛ, k'ʋʋ zanɩ a yele jielu vla, k'ʋʋ zanɩ a yã-bãwfʋ, k'ʋʋ bãw a bom a na fɛr kɛ́ bɛ bãw a?