Popular Bible Verses from Orom Sɛbɛ 3

Share

A nɩbɛ ba jaa maalʼã a fãa, faa nɩ a Naaŋmɩn na-yele. Ɩ̃-cɛ a ʋ wɩɛfʋ ɩnɛ ʋ lɩɛbɛ ba a ba toro a ʋ nii-sɔw, a mɩnɛ ʋ na da ba fáa ba a Jeeju-Kirisi tʋmɔ pʋɔ a pɔrɔ.

A ɩ na a torfʋ ʋlɔ a Naaŋmɩn na kʋ a nɩrɛ ʋlɔ na sɔw de a *Jeeju-Kirisi, a bala ba jaa na tɛrɛ nɩ ʋ a ƴɔ̃w-nyãa, a-na-ɩ a Naaŋmɩn ma ꞌwuoro a nɩbɛ kpee kpee wa.

A ʋna *Kirisi, a Naaŋmɩn ƴɔ̃w ʋ na ʋ ɩ a baar-lo-bom, a mɩnɛ ʋ na deer a ʋ jɩ̃ɩ de nɩ a bala na sɔw de ʋ maal-faar bar kʋ ba. A nɔhɔ̃ a Naaŋmɩn bʋɔrɔ na ʋ miil a ʋ torfʋ. A korĩ-cɛ ʋ nyɔw na a suur, ɩ̃ ma kpãa a bala na maal a fãa wa. Ɩ̃-cɛ a ƴɛ̃ƴɛrɩ̃ na, ʋ miile na a mɩnɛ ʋ na lɩɛbɛ a nɩbɛ a ba toro a ʋ nii-sɔw; a-na-ɩ ʋ bʋɔrɔ na a ʋlɔ mɩ̃ɛ ʋ tor, ɩ̃ mɩ bʋɔrɔ ʋ lɩɛb a bala na sɔw de *Jeeju a ba na mɩ tor.

A-na-ɩ a Naaŋmɩn nii-sɔw, nɩrɛ kãw torfʋ ma yire a ƴɛr-kpɛn jɔfʋ ɩnɛ wa, a-na-ɩ a ƴɛr-kpɛn ɩ̃ saa a sɩ bɔ̃w a maal-fãa.

A mɩnɛ a Naaŋmɩn Sɛbɛ na yel: “Nɩrɛ kãw ma be be na tor wa; bõ-ƴen ma mɩ be wa. Nɩrɛ kãw ma tɛrɛ a bɔ̃wfʋ wa. Nɩrɛ kãw ma mɩ bʋɔrɔ a Naaŋmɩn wa. A ba jaa barʼã a sɔr ɩ̃ vɩɛ ɓã taa lo. Nɩrɛ kãw ma maala a vɩlaa wa; bõ-ƴen tɛw ma mɩ be wa.

A-na-ɩ sɩ nyɛ na bɔ̃w ka a nɩrɛ ma tor a Naaŋmɩn nii-sɔw a ƴɛr-kpɛn ʋ na jɔrɔ ɩnɛ wa, ɩ̃-cɛ a ʋ ƴɔ̃w-nyãa ʋ na tɛrɛ ɩnɛ ʋ.

A kɔ̃ tʋɔ ɩ a lɛ wa. A sɛw na a Naaŋmɩn na ɩ a Yel-mɩ̃ɛ Sʋbɔ, a ala saarɩ̃ ɩ a nɩbɛ ba jaa ŋmara na a jiri, wɔ̃ taa nɩ a mɩnɛ a Naaŋmɩn Sɛbɛ na yel: “A nɩbɛ sɛw na ba nyɛ fʋ a fʋ tor a fʋ ƴɛrɩ̃sɩ pʋɔ; a fʋ mɩ pɔw a tʋɔfʋ a ala ɩ ba bʋɔrɔ na ba guor a fʋ ƴɛrɩ̃.”