Popular Bible Verses from Orom Sɛbɛ 2

Share

Ala-ɩ̃-sɔ, a fʋna daba na guoro a bala na maala a yele ala ƴɛrɩ̃, ɩ̃ mɩ maala a lɛ, fʋ tɩɛr beeka fʋ na nyɛ na cɩ̃ɛfʋ jie a Naaŋmɩn ƴɛrɩ̃ guorfʋ bibir mɩ? Mu, fʋ mɛbɛ na a Naaŋmɩn yɛ̃ bɔ̃wfʋ na nyɩrɩ̃ ɩ a kpɛ̃ɛ, nɩ a ʋ su-nyɔwraa nɩ a ʋ su-ɓaar mɩɩ? Faa bɔ̃w ka a Naaŋmɩn yɛ̃-bɔ̃wfʋ tɔwrɔ fʋ na a fʋ na lɩɛb a fʋ yɛ̃ wa?

Ala-ɩ̃-sɔ a nɩ-bõ lɛ fʋ na ɩ ɩ̃ guoro a nɩrɛ kãw ƴɛrɩ̃, faa tɛrɛ ful-yifʋ jie wa, a-na-ɩ a bom ʋlɔ na saa a fʋ guoro a nɩrɛ ƴɛrɩ̃, fʋ mɩ lɩɛbʼã ƴɔnɔ a fʋ mɩ̃ɛ a ƴɛrɩ̃; a-na-ɩ a fʋ̃ʋ na guoro mɩ maala na a lɛ.

A-na-ɩ a Naaŋmɩn ma ꞌwuoro a nɩbɛ kpee kpee wa.

A-na-ɩ aa ɩ a bala na bɔ̃w a ƴɛr-kpɛn ɩ̃ tor a Naaŋmɩn nii-sɔw wa, ɩ̃-cɛ a bala na jɔrɔ a ƴɛr-kpɛn, bala a Naaŋmɩn nɔɔ nyɛ a ba tor.

A-na-ɩ a Naaŋmɩn na ya na a nɩbɛ ba jaa tu nɩ a ba tʋmɔ.

Ɩ̃-cɛ a bala na bʋɔrɔ a ba mɩ̃ɛ bɔb, na ba wõw nɩ a toor a yel-mɩ̃ɛ ɩnɛ, ɩ̃ wono a toor a maal-fãa ƴɛrɩ̃ pʋɔ, na pɔw na a Naaŋmɩn su-tuo nɩ a ʋ kpãafʋ.

Ɩ̃-cɛ a mɩnɛ a fʋ suur na kpɛmɛ, nɩ a mɩnɛ fʋ na ma bʋɔrɔ fʋ lɩɛb a fʋ yɛ̃ wa, fʋ dɔɔlɔ na a Naaŋmɩn su-tuo bine a fʋ mɩ̃ɛ ɩnɛ, gure nɩ a ʋ su-tuo bibir ʋlɔ a nɩbɛ na nyɛrɛ a mɩnɛ ʋ na guoro a ba ƴɛrɩ̃sɩ nɩ a ʋ torfʋ.