Popular Bible Verses from Orom Sɛbɛ 4

Share

Ɩ̃ a mɩnɛ a Naaŋmɩn na pʋlɩ̃ nɩ ʋ, ꞌwaa tɛrɛ baalɩ̃fʋ a ʋ tɩɛrɩ̃sɩ pʋɔ wa, ɩ̃-cɛ ʋ ɛ̃ɛ na pɔw kpɛ̃w a ʋ ƴɔ̃w-nyãa pʋɔ kʋrɔ nɩ a Naaŋmɩn a ju-kpɛ̃ɛ. Ʋ bɔ̃w na bɔ̃w ka a Naaŋmɩn tɛrɛ na kpɛ̃w na maal a ala ʋ na pʋlɩ̃.

A mɩnɛ a na sɛb a Naaŋmɩn Sɛbɛ pʋɔ: “Ɩ̃ biin fʋ na a fʋ ɩ a tẽ-bʋrɔ bʋrɔ sãa-kʋmɔ.” Ʋ ɩ na a ba sãa a Naaŋmɩn ʋlɔ nii-sɔw ʋ na dãa ƴɔ̃w a nyãa, a Naaŋmɩn ʋlɔ na maala a kũusɩ a ba ire a kũu pʋɔ, ɩ̃ mɩ de a ʋ ƴɛrɩ̃ maalʼɩ̃ a yele ala na ma dãa be wa, a lɛ be.

Ʋ ɩ na a Jeeju ʋlɔ ba na dãa ƴɔ̃w a ba kú a sɩ bɩɛfʋ ɩnɛ a Naaŋmɩn jie, ɩ̃ a Naaŋmɩn lɛ maal ʋ ʋ ir a kũu pʋɔ a sɩ na tor a ʋ nii-sɔw.

A ala saarɩ̃ ɩ a dãa na kpɛmɛ a Abʋraham ʋ na tɛrɛ a tɩɛrʋ̃ son, ɩ̃-cɛ ʋ ƴɔ̃w na a Naaŋmɩn a nyãa, tɛrɛ nɩ ʋ a tɩɛrʋ̃ cɛcɛ. A nɔhɔ̃ ʋ lɩɛbʼã ɩ a tẽ-bʋrɔ bʋrɔ sãa-kʋmɔ, tu nɩ a ƴɛrɩ̃ ʋlɔ a Naaŋmɩn na dãa yel ʋ: “A nɔhɔ̃ a fʋ bibiir nɔɔ ɩ.”

Ala-ɩ̃-sɔ, a pʋlɩ̃fʋ ma yi a ƴɛr-kpɛn jie wa, ɩ̃-cɛ ʋ yi na a ƴɔ̃w-nyãa jie, ʋ na ɩ a Naaŋmɩn wɩɛfʋ bom, na tʋɔrɔ ɩrɛɛ a cĩcĩ a Abʋraham bal parvʋɔr nɩbɛ ba jaa jie. Aa ɩ a bala tɛw na jɔrɔ a ƴɛr-kpɛn ʋ wa, ɩ̃-cɛ a mɩ ɩ na a bala na mɩ tɛrɛ a ƴɔ̃w-nyãa a Abʋraham kaarɩ̃, a ʋlɔ na ɩ a sɩ jaa sãa-kʋmɔ.

“Nʋ̃ɔ ma be na a bala jie a Naaŋmɩn na de a ba burbur bar kʋ ba, nɩ a bala ʋ na piw a ba maal-fãa tɛɛlɛ. Nʋ̃ɔ ma be na a nɩrɛ ʋlɔ jie a Nɩ-kpɛ̃ɛ na mɔɔ sooro ʋ a ʋ maal-fãa wa.”

A-na-ɩ bõ a yel a Naaŋmɩn Sɛbɛ pʋɔ? A yelʼã: “A Abʋraham ƴɔ̃w na a Naaŋmɩn a nyãa, ala-ɩ̃-sɔ a Naaŋmɩn de ʋ ʋ ɩ a nɩ-toraa.”