Popular Bible Verses from Orom Sɛbɛ 1

Share

Maa jɔrɔ a vĩ a Naaŋmɩn ƴɛr-son ƴɛrfʋ ɩnɛ wa, a-na-ɩ ʋ ɩ na a fãw ʋlɔ a Naaŋmɩn na faara nɩ a nɩrɛ lɛ na sɔw ʋ: a Jufisɩ jie sɛr, nɩ a nɩ-bʋrɔ bʋrɔ ba jaa jie mɩ.

A-na-ɩ a ʋna ƴɛr-son jie, a Naaŋmɩn miilʼã a mɩnɛ a nɩrɛ na tʋɔrɔ toro a ʋ nii-sɔw, a mɩnɛ ʋ na nyɔw nɩ a ƴɔ̃w-nyãa wa cenʼɩ̃ ta nɩ a baarfʋ daar, tu nɩ a ƴɛr-bir ʋlɔ na be a Naaŋmɩn Sɛbɛ pʋɔ na yel: “A ʋlɔ na tor a Naaŋmɩn jie a ʋ ƴɔ̃w-nyãa ɩnɛ, na pɔw na a baafʋ.”

Wa nyɔw nɩ a tẽw maalfʋ daar, a Naaŋmɩn miilʼã a mɩnɛ ʋ na wɔ̃. A ala sɩ na ma dãa tʋɔrɔ nyɛrɛ wa, yi na a cãa pʋɔ a ala ʋ na maal ɩnɛ. A lɛ bʋɔrɔ na a yel, a ʋ fãgã daadaa, nɩ a ʋ Naaŋmɩn ɩfʋ wãa. A nɔhɔ̃, nɩrɛ ma lɛ tɛrɛ ful-yifʋ jie wa.

Ba bɔ̃w na a Naaŋmɩn, ɩ̃-cɛ baa kʋrɔ ʋ a ju-kpɛ̃ɛ wa; baa mɩ puoro ʋ a mɩnɛ ʋ na ɩ a Naaŋmɩn wa. A ba juu tɩɛrɩ̃sɩ lɩɛbʼã ɩ bõ-jaalsɩ, ɩ̃ a ba sube liw a baa tʋɔrɔ bɔ̃wnɔ bom wa.

Ba de na a Naaŋmɩn yel-mɩ̃ɛ tɛw nɩ a jiri, ɩ̃ puoro tʋnɔ nɩ a tʋmɔ kʋrɔ a ala a Naaŋmɩn na maal, ɩ̃ cɛ a Naaŋmɩn na ɩ a yel-maala bar, na ɩ a ʋlɔ na sɛw nɩ a pɛwfʋ a daar a jaa. *Amɛn.

Sɩ nyɛ na a Naaŋmɩn su-tuo ʋ yi a saa juu, ɩ̃ suu pɔw a maal-bi-kpansɩ nɩ a faar ala a jaa a nɩbɛ na maal, a maal-faar ala ba na piw nɩ a yel-mɩ̃ɛ bar.

Ala-ɩ̃-sɔ a Naaŋmɩn de ba bar a vĩ yele bɔfʋ pʋɔ. A ba pɔɔbɔ mɩ lɩɛbʼã maala a ala na ma ɩ wa, a-na-ɩ ba ma barʼã a dabsɩ ɩ̃ lɩɛb bʋɔrɔ taa a ba nɩ̃ɛ. A lɛ ʋ mɩ a dabsɩ jie. Ba ma barʼã a pɔɔbɔ, ɩ̃ lɩɛb pebe a ba dab-tɔ. A daba nɩ a ʋ dab-tɔ maala na a vĩ yele, pɔwrɔ nɩ a kpãafʋ ala na sɛw nɩ ba a ba burbur ɩnɛ. A mɩnɛ ba na ma nyɛ a Naaŋmɩn bɔ̃wfʋ ʋ ɩ ba son wa, a Naaŋmɩn de ba na bar a ba tɩɛrɩ̃-saansɩ pʋʋr, a ba maala a ala na ma vɩɛlɛ wa.

Ba ma yelʼã a yɛ̃-bɔɔnbɔ ba ɩ, ɩ̃ lɩɛb ɩ dãbolo. Ba de na a Naaŋmɩn ʋlɔ na ma tɛrɛ kũu wa yo-yifʋ, na ba lɩɛb kʋrɔ a bʋtɩbɛ ala na wɔ̃ taa nɩ a nɩrɛ na wa kpiire, mɩɩ a lili, a dʋn, nɩ a wɩɩr ba na pɛrɩ̃.