Popular Bible Verses from NKUMBUYE WA UVAVASO 7

Share

Naasa ulaalu Mangyi Nndumi Iruva, mmbwe Iruva wa dede, mwiinutya fyaasa fyakwe na isarya lyakwe kwa yewo vankundye neeringa mavavaso akwe, nafike irika lya kyiku

Yeni mmbo mukee vandu veele va Nndumi Iruva, Iruva alemusauwa muve vakwe deny, muve torya kwakwe ngeta vandu va masanga engyi moose.

Lyo nkimaruma kya elyi Nndumi Iruva alelanga imukunda na kyaasa kilya alevikya vande valya vany kakunda ikiinutya, na nkyo kileenngye kamuuta kulya Misri na woko lwa finya, kulya mmba ya ushinga maakony a Farao we mangyi ya Misri.

Nndumi Iruva nshi alemukunda yeni neemusauwa mashika elyi mukee veengyi-fo, mashika lyo yeni mmbo mweekee vaangu deny ngota vandu vengyi woose.

Mmbo kusheonaa iviiri ngota vandu va masanga engyi moose, nta kwafo nkushekaafo nndu kyuumba kava nndumi ao nka-fo, nta efo findony fyeevikya-fo.