Popular Bible Verses from NKUMBUYE WA UVAVASO 6

Share

Naasany kunda Nndumi Iruva, wafo na ngoo yafo shoose, na nrima wafo moose na finya tafo shoose.

kuvealosha na vana vafo nisha, na yaarera efo kyeny, neefo shia, na kyeeri kwafika ilala na elyi kwiifo kukwiipoo.

Na marero yaa shaasa nkekuvia inu, atire efo nriminy wafo

Arannya, Ewe Israeli, Nndumi Iruva, Iruva weeru ni Nndumi Iruva umwi nsi.

Areiye kwuafinngye efo maakony neefo fisanguny.

Kuveareiya efo mbee ya mwaango wa mmba yafo.

Inndya Nndumi Iruva we Iruva wafo, nawe mmbwe kundundya neesenda irina lyakwe.

Na kyeeri Nndumi Iruva, Iruva wafo ammaa ikufita efo urukeny yelo alevikya vakuu vafo kyaasa, wo Abrahamu na Isaki na Yakobo sheelyi ashevaniingaa, lutiri miri miniini misha kulaitannyi yewe, na mmba tiishwe findo kulasummyi yewe, na firori fya mura kulasunyi yewe, na marema a misabibu na a miri ya mafura kulavaaye yewe, kukooyeny ikulyiiya neewuura, llyo kukwiise nnu, kulasheerekyo Nndumi Iruva yeu alekuuta kulya Misri kwekee ushingeny.

Yaa nng'u mavavasyo na usumanu loose shaasa Nndumi Iruva, Iruva waany aleshivavasya shimuniinge naambo mukooye ilatya indo kulya urukeny elo mukeenda, naambo mwiinndye Nndumi Iruva, Iruva waany, neelatya mavavaso akwe moose, yoo nkeemuvia, yewe na mwana wafo na vashuku vafo, fyeeri fyoose fya muu wafo, naambo kufumbutyo mikonu yafo.

Kutani mesha na fya usumanu mbee ya Nndumi Iruva naambo kuwoni iviiri na yaanga urukeny yelo usha Nndumi Iruva aleniinga vande vafo

mashika Nndumi Iruva, Iruva wafo ni Iruva nalasisiryaa maruva engyi, lola unyafi lwakwe lulasheerwa nakumamite kuuke yaa ulaniny.

Mulalatye maruva engyi-fo

Mulaese Nndumi Iruva, Iruva waany-fo, shaasa muletana alya Masa.