Popular Bible Verses from NKUMBUYE WA UVAVASO 8

Share

Mmbo kushekummbwa Nndumi Iruva wafo kimmba mmbwe yeto akuniinga finya yewona usimba yelo, naambo neengere ivangisa kyaasa kilya alevikya vande vafo fika inu.

Fyeeri fingyi kakureya shaa, numa kakulela na mana kulayiishi yewe nta vande vafo, nkyo kakoora sheelyi nndu nshi akaa na muu kyeendwa nshoonga tupu-fo, kyeendi nkimaruma kya ekyo kyoose kishukaa kaniny kya Nndumi Iruva.

Neewe kummbwa marero a Nndumi Iruva moose, shaasa alekusongoya ando a myaaka yei myoose makumi aana kunu kasa neewe kwakaa kyeesyony nalole kwakooya kwawaranaa na mavavasyo akwe.

Yoo kulasheamba, Finya yakwa na wiidimi lwakwa mfyo fyashiwonisya usimba yelu.

Kukwiise nnu deny naambo kulasherekywa Nndumi Iruva, Iruva wafo na mavavaso akwe yaa nkeekuvia inu.

Neewe manyaany sheelyi nndu avavasa mwana wakwe kyeellosha niindo na Nndumi Iruva, Iruva wafo ashekutannyaa.

Urukeny yelo mmbo kushelyaa neewuura, kuveana Nndumi Iruva, Iruva wafo kya uruka yelo usha indo alekuniinga.

Warana na mavavaso a Nndumi Iruva wafo, kullatye neemwiinndya.

Niwe alekulela na mana ilya vande vafo valayiishi kakweesa naambo nashefurummya ikuwonisya mesha.

Kyeeri kulyaa neewuura neetana mmba shisha, na maronda afo a ng'umbe na maonri afumbuke, na fesa yafo na sahabu, na fyoose efyo kutiri fifumbuke, naasany kulasheekurosa efo nriminy wafo kurekywa Nndumi Iruva, Iruva wafo yeu alekuuta kulya Misri ushingeny

Mashika Nndumi Iruva mmbo akeekwaata urukeny usha lutiri ngyusoka ta mura na firori fisheetyaa mura efo mamungony, nalo ni uruka lwa nganu na misabibu na mikuu, na mikomamanga, ikavetira miri ya ndunda tikamwaa mafura, kuveifo na ukyi. Mmbo kushelyaa shoonga yafo kulaifo usau nta kulashaanguyoo nkindo, na mawe a vayo mminya, na mafumbu a vayo akatira minya ya arera.

Ivavaso elyi nkemuniinga inu mmbo mulyilatyaa, naambo mukie muu neefumbuka, mundeanga kulya urukeny yelo Nndumi Iruva alevikya vande vany kyaasa.

Masara afo nta nnyalenkwa-fo, nta nkulefumba marende ando a myaaka yei makumi aana-fo.

yeu alekusongoya kulya kasa koomu keeresye, kundo kwiifo shoka na nguluva, nafo nta nkweifo mura-fo, kakuwonisya mura wuuka efo iweny.