Popular Bible Verses from Tɛ̀ɛnnɛ 7

Share

Koro kàdoʔo ma a mii wéle n syɛɛnnɛʔɛmɛ nyaa, bee bi nyɛ lè syɔɔn faala a gbǎn bi córo í, pi maa yiri syɛɛnfeleyi myɛ ni, ní syɛɛnfeleyi yòdaʔaya myɛ ni, ní dulunyanw syɛ̀ɛnnɛ myɛ ni, ní syɛɛnfeleri joofɔɔlɔ myɛ ni. Pi myɛ si i nyɛ woyéremɛ ní fàngoli ní Bàpili yɛ́ʔɛ ma ní buroviiye ní, sɛ́ʔɛwara si i nyɛ bi kɔ́yi ni.

A bi i gi nyuu ní yákpogbɔɔlɔ ní níì jo: «Wolo syɔɔli n yìri Kolocɔlɔɔ ma, wi lè wodɛ́ɛɔn ní fàngoli na n fàra Bàpili na.»

Níì cán Bàpilee li nyɛ lè fàngoli nínge ni, loro li a ra be nàʔá, sáā syée ní be ní sìíw pùnweegéle ma, Kolocɔlɔɔ si a nyatinmi myɛ tùuni bi láʔa pe yɛ́ɛyi na.»

Gee bee na be nyɛ Kolocɔlɔɔ fàngoli yɛ́ʔɛ ma, ní i wi fáliw kpéʔele canʔa ní yébilige wi kpɔ̀ʔɔrɔli kpaʔa ni. Wee wi tɛ́ɛn lè fàngoli ni, wee bee a wi fànikpaagi tɛ́ʔɛ bi be tɔ́n. Kateʔe ní lògbaʔa a ní be jáa í, cángi wàlá káfugaa faala a ní yafyɛn pye be na í.

A wi be pye: «Ki ga yɛlɛ yele í tári, wàlá sólomi lɔ̀ʔɔ, wàlá tíiri kálagi í, bi taa wolo í fɛ̀ɛ kpúmɔn wolo Kolocɔlɔw púlobéle gbáagéle na.» Bele na be fɛ̀ɛ́w kpúmɔn lè, a be bele bee nyɔ́ɔ joo n tɛ̀ɛn, a mii gi lóʔo, pe maa pye syɛ̀ɛnnɛ sirakamayɛ kɔrɔsiin ní selebingéle siin, bele na be fɛ̀ɛ́w kpúmɔn lè, bele bee n yiri Isirayɛli syɛɛnfeleyi myɛ ni.