Popular Bible Verses from Tɛ̀ɛnnɛ 8

Share

A Bàpili ga fɛ̀ɛ kɔrɔsiin wów múgu, a fúlomi myɛ ceri nyɛ̀ʔɛni na n lɛ́ɛri tíla kwɔ́ɔ.

A nyɛ̀ʔɛni tundunzelio wi búruw wìi. A be zěsolomɔ, ní naà, ní sìsyaan nyáʔami n cáan tári na. A tári tílaya taanri wóʔo sógi, a tíiri tílaya taanri wóʔo sógi, a nyàápungi myɛ sógi.

A mii wéle n nyɔɔ̀ nibin nyaa wi i sɔ̀lɔ́ tári ní nyɛ̀ʔɛni nínge ni, ní i gi nyuu ní yákpogbɔɔlɔ ní níì jo: «Wɔʔɔli, wɔʔɔli, wɔʔɔli a tɔ̀nɔ́ ba pye dulunyanw syɛ̀ɛnnɛ na búruw wìizangèlē kéele na, gele nyɛ̀ʔɛni tundunbéle taanri a kɔ́ ba wìi lè.»

A nyɛ̀ʔɛni tundun-ziin wóo wi búruw wìi. A mii nyanbe-nyungbɔɔgaa félege nyaa ní naakpɔʔɔ ní, ki i sóori, a be gi wáa sólomi lòkpɔʔɔ ni. A sólomi lɔ̀ʔɔ tílaya taanri wóʔo fala n kàri sìsyaan

A nyɛ̀ʔɛni tundun-daanri wóo wi búruw wìi. A ŋɔripilaa yìri nyɛ̀ʔɛni na n baa too lókoloyi, ní pùnweegèle tílaya taanri wóʔo na. Li si maa kpɔ́ʔɔ ní i nyín àmɛɛ nìmubwɔɔlɔ náa nyɛ lè. Ŋɔripili bee mɛ́ʔɛ si gi nyɛ Yasorogo. A lǒgi tílaya taanri wóʔo fala n kàri lòsorogo, a syɛ̀ɛnnɛ saʔa kùu lǒgi bee kéele na àmɛɛ gi soro lè.

A nyɛ̀ʔɛni tundun-sicɛrɛ wóo wi búruw wìi. A Kolocɔlɔɔ fala n cángi tílaya taanri wóʔo kpúmɔn n fàra yégi tílaya taanri wóʔo, ní ŋɔripiigèle tílaya taanri wóʔo na, koro ga pye yi tílayi taanri-daanri wóyo í kàri yébilimɛ, gbɛ̀ɛnmɛ ga pye syɛ́ɛnbèle ma cángi tílaya taanri wóʔo na í, a yégi ní ŋɔripiigèle gbɛ̀ɛnmɛ tílaya taanri wóʔo wɔ́ɔ baa pye ànbée yébiligi làla ni.