Popular Bible Verses from Efɛzi ye 4

Share

Ki n yɛlɛ yele í da kérigèle nyɔɔgi yeyɛɛ na, sáā fúnyi nyíngi yeyɛɛ kurugo, yáā yeyɛɛ kùsulugi syoo àmɛɛ Kolocɔlɔɔ yele kùsulugi syɔɔ lè Kirisi ni.

Ki n yɛlɛ yaa màámi ní funjǎngi myɛ kpéʔele, yáā fûnnyingi ní kpàracogi kpéʔele ní yeyɛɛ ní tàmagi ni.

Ki ga yɛlɛ syɛɛnpeeraa faala í kɔ́ yiri yele wàa nyɔ́ɔ ni í, fwɔɔ syɛɛntaanra, dee ti a gbǎn ti lóʔofɔbèle kɛɛlɛ lè, sáā kàa fàrá be na tágali kólogo ni bi yɛlɛ ní be màkonyɔɔri ní.

Ki si n yɛlɛ yele í dìgiri, ní fundanʔari, ní funbɛɛnri, ní kàfulogi, ní mɛ́ɛkalagiri myɛ yirige yeyɛɛ níngi ni n fàra funbeeyi myɛ na.

Ki ga yɛlɛ yele fundanʔari í kɔ́ yele kaan yele í kapeele kpéʔele í. Ki ga yɛlɛ cángi í jée bi yele yaʔa funbɛɛnrɛ na í. Yele a kɔ́ tɛɛ̀jeʔe yaʔa Dàzɔɔnw ma í.

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè, yé yele pìígèle ní yele fúnyi yaʔa yi kàri wovɔnyɔ ní, yé kanvɔnmɔ le yeyɛɛ na, bee Kolocɔlɔɔ kpéʔele lè pi woro wómi wíri sínni, ní funviiri ni ti yìrigí lè kányɛɛgi ma.

Amɛɛ Pìicǎnni yele pínɛ nibin lè, yaa ŋàʔaná gbanʔama, ye pínɛnyɛnnɛgi bee cò cama bɛ̀ɛ́li báriga ni, lee li yele pwɔɔ yeyɛɛ na lè.

Wi n pèle kaan poro í pye pìitunbéle, níì pèle kaan pe pye kanyaajoobéle, pèle si pye Syɛɛnjóocǎnri joofɔɔlɔ, pèle si pye bànaʔabēle ní tamafɔɔlɔ. Wi n koro kpéʔele jàngó bi Kolocɔlɔɔ syɛɛncanbèle nyɔɔ bi foro, koro ga pye poro í da Kolocɔlɔɔ fáliw kpéʔele, kàa sáā taari Kirisi céri na, bi taa wolo myɛ í ba pye nibin tágali ni, si wɔ́ɔ Kolocɔlɔɔ Jáaw sámaga cán, si pye wolɛɛbèlē tágali ni bi nyɔɔ foro àmɛɛ Kirisi nyɔɔ n foro lè.

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í, fwɔɔ wolo í da kányɛɛgi nyuu ní tàmaga ní wáā leegi bi taa wolo í ba nyɔɔ foro àmɛɛ Kirisi nyɛ lè, wi lè céri nyúngo.