Popular Bible Verses from Efɛzi ye 5

Share

Ki n yɛlɛ yele í da Kolocɔlɔɔ tɛ́ɛlɛ àmɛɛ yele nyɛ lè wi pìinidaanmabéle, yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

Gee bee na gi yɛlɛ yaa yele tánʔaganmi kɔ̀rɔsíi, yele a kɔ́ ra táanri àmɛɛ sícilimɛ-fùnvɔɔlɔ nyɛ lè í, fwɔɔ àmɛɛ sícilimɛfɔɔlɔ nyɛ lè. Ye lǎli còganma cán, níì cán cányi naa n pee.

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn. Yaa nyuu ní yeyɛɛ ní ní Kolocɔlɔɔ yɛ́ɛgi fyáara ŋúnuyo, ní Kolocɔlɔɔ kpɔ̀ʔɔrɔli ŋúnuyo, ní Kolocɔlɔɔ kôdanʔari ŋúnuyo ní, yáā ŋúu yaa Kàfɔw Kolocɔlɔɔ kpɔ̀ʔɔrɔ́ yele fúnyi ni. Ki n yɛlɛ yaa bariga kaangi Tofɔw Kolocɔlɔɔ ma làrigèle myɛ ni kérigèle myɛ na wolo Kàfɔw Zyezu Kirisi mɛ́ɛgi na.

Gee bee na ki ga yɛlɛ yele í pye kanaa-sìnjánbéle í, kàjáa ki n yɛlɛ yele í da Kàfɔw nyɛ́nɛ kèlē cángi.

Nǎnbèle, ki n yɛlɛ ye yele cébèle kéele yaʔa li yele dɛ́nɛ àmɛɛ Egiliziw kéele Kirisi dɛ́nɛ lè a wi wiyɛɛ gaan wi kéeli na

Yele maa sélì pye yébilimɛ, kàjáa tɔ́ɔliw ni yele i nyɛ gbɛ̀ɛnmɛ Kàfɔw ni. Ki n yɛlɛ yele í da táanri gbɛ̀ɛ́nmi pìibēle tánʔaganma na.

Ki n yɛlɛ yaa lúro yeyɛɛ ma Kirisi yɛ́ɛgi fyáara na.

Cébèle, ki n yɛlɛ yaa lúro yele tiimaa nǎnbèle ma àmɛɛ yele lúro lè Kàfɔw ma.

Koro ní ki myɛ ní ki n wɔ́ɔ̀ yɛlɛ yele myɛ nibin nibin í yele tiimaa cébèle kéele yaʔa li yele dɛ́nɛ àmɛɛ yele tiimaa céri yele dɛ́nɛ lè, céw si n yɛlɛ waa wi nǎnw kpɔ́ʔɔgi.

«Koro na nàɔn n yɛlɛ wi wi tóow ní wi nɔ́ɔw yaʔa si tan wi céw na, pe siinw a ba pye cere nibin.»

Ki ga yɛlɛ yele lɛɛlɛ í pye yébilimi kapyegèlē ni í, ncan ke i nyɛ tɔ̀nɔ fun, fwɔɔ yaa fúlo ke kpéʔelefɔbèle na.