Popular Bible Verses from 1 Zyan 4

Share

Fyáara o nyɛ tàmagi ni í, ncan tàmagee gi foro lè, gee bee i fyáari nɛnɛ ni yirigi syɔɔn ni. Koro na syɔ́ɔnwee wi fɛ̀ɛgí lè, tàmagi o nyɛ wi ni n foro í, níì cán fyáari i nyɛ ní wɔʔɔlɔ ní.

Yele si na, ni pìibēle, yele i nyɛ Kolocɔlɔɔ wòolo. Yele n fànʔa taa kanyaajoo-fáanabèle na, níì cán wee wi nyɛ lè yele ni, wee bee n kpɔ́ʔɔ n sɔ̀lɔ wee na wi nyɛ lè dulunyanw syɛ̀ɛnnɛ ni.

Wolo si na, wolo i tàmaga nii, níì cán woro wi sélì tàmagi le ní wolo ní.

Mii syɛɛn-nidaanmabèle, ki n yɛlɛ wo tàmaga le ní woyɛɛ ní, níì cán Kolocɔlɔɔ má tàmagi yìri, syɔ́ɔnwee faala wi tàmaga nii lè, wee bee i nyɛ Kolocɔlɔɔ pyà, wi n Kolocɔlɔɔ cán.

Wee si wi lè wi o tàmaga nii í, wee bee ga Kolocɔlɔɔ cán í, níì cán Kolocɔlɔɔ wi nyɛ tàmagi.

Gee naa gi nyɛ tàmagi, ki o náā nyɛ mɔ a jo wolo bɛɛ wo tàmaga le ní Kolocɔlɔɔ ní í, woro wi tàmagi le ní wolo ní níì wi Jáaw tórigo naa. A wi baa pye wolo kapeegèle kùsulugo sáriga.

Mii syɛɛn-nidaanmabèle, kapye Kolocɔlɔɔ si n tàmaga le ní wolo ní nya, ki n yɛlɛ wolo í wɔ́ɔ tàmaga le ní woyɛɛ ní.

Kánmi naa na si Kolocɔlɔɔ wi tàmagi tɛ̀ɛn wolo na, níì cán Kolocɔlɔɔ maa wi Pìinibingi tun naa dulunyanw ni koro ga pye wolo í sìi taa wi bárigaw ni.

Wàa ga gi joo níì jo woro n tàmaga le ní Kolocɔlɔɔ ní, bi gi taa wi senyɛnw kéele n wi bɛɛn wee bee i nyɛ jànvaafɔlɔ, níì cán wi senyɛnw wi nyaagi lè, kapye wi ga tàmaga le ní wee bee ní í, Kolocɔlɔɔ wi nyɛ lè woro o wi nyaagi í, mɛ̀ɛ́ woro a gbǎn tàmagi le ní wi ní bi sɛ́ɛ?

Syɔ́ɔnwee ga gi fílige n joo lè níì jo Zyezu wi nyɛ Kolocɔlɔɔ Jáaw, Kolocɔlɔɔ i nyɛ wee bee ni, wee bee si wɔ́ɔ i nyɛ Kolocɔlɔɔ ni.

Tundunree si wi kaan wolo ma lè, toro di nyɛ dee naa, wi n jo, wee wi ga tàmaga le ní Kolocɔlɔɔ ní lè, ki n yɛlɛ wi wɔ́ɔ wi gi le ní wi senyɛnnɛ ní.

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni. Kánmi naa na yele a Kolocɔlɔɔ Pǐli cán bi wàli gele na, pǐlee faala ga gi fílige n joo lè níì jo Zyezu Kirisi n pan ní cere ní, lee bee i nyɛ Kolocɔlɔɔ wólo

pǐlee si li nyɛ lè li ga gee bee fílige n joo Zyezu kéeli na lè í, lee bee o nyɛ Kolocɔlɔɔ wólo í, loro i nyɛ Kirisi nigoow wólo, wee yele da lóʔo lè wi a pan, àlí wi caa i naa dulunyanw ni n kwɔ́ɔ.