Popular Bible Verses from 1 Zyan 3

Share

Ni pìibēle, ki ga yɛlɛ wolo í da tàmagi syɛ́ɛnrɛ nyuu nyɔɔwara na í, fwɔɔ gi pye tàmadelege, wolo kapyegèle sáā gi tèé.

Kánmi naa na wolo tàmagi cán, Zyezu Kirisi n wiyɛɛ gaan kùúw ma wolo kéeli na. Ki si n wɔ́ɔ̀ yɛlɛ wolo í woyɛɛ gaan kùúw ma wolo senyɛnbèle kéele na.

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.

Wee si wi kòro ni kapeegèle kpéʔele lè, wee bee i nyɛ Dàzɔɔnw wóo, níì cán Dazɔɔnw i kapeegèle kpéʔele nlaa yaà gi sélimi na. Gee bee gi gi kaan a Kolocɔlɔɔ Jáaw baa wiyɛɛ dɛ̀ɛn koro ga pye bi Dazɔɔnw kapyegèlē kálagi.

Syɔ́ɔnwee faala wi nyɛ lè Kolocɔlɔɔ pyà, wee bee a ní kòro bàā kapeegèle kpéʔele í, níì cán sìíw sée wi yiri Kolocɔlɔɔ ni lè, wee bee i nyɛ syɔ́ɔnw bee ni, wi a gbǎn kòro bàā kapeegèle kpéʔele í, àmɛɛ wi nyɛ lè Kolocɔlɔɔ pyà.

Dulunyanw naa lɔ́rɔ ga pye wee ma lè á wi wi senyɛnnɛ nyaa foomɔ ni, wi si ga fɔ̀lɔ bi nyinimɛ taa wi na í, mɛ̀ɛ́ Kolocɔlɔɔ tàmagi a gbǎn pye wee bee fúngo ni bi sɛ́ɛ?

Wee wi Kolocɔlɔɔ tundunri kɔngi ní i di kpéʔele lè, wee bee i nyɛ Kolocɔlɔɔ ni, Kolocɔlɔɔ si wɔ́ɔ i nyɛ wee bee fɔ́lɔ ni. Wi Pǐli wi kaan wolo ma lè, loro bárigaw ni wolo gi cán ncan wi i nyɛ wolo ni.

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.

Syɛ́ɛnree yele lóʔo lè nlaa yaà gi sélimi na, ye di wéle dee, ti n jo, ki n yɛlɛ ye tàmaga le ní yeyɛɛ ní.

Ni senyɛ̀nnɛ, yele kéeli ga dulunyanw syɛ̀ɛnnɛ bɛɛn yele a kɔ́ gi yaʔa gi yele fúnyi wɔ́ɔ í.