Popular Bible Verses from Josue 6

Share

Ja'yuj ja Dyosi, ti yal yab' ja Josue: —Oj ka' b'a a k'ab' ja chonab' Jerico, jach'ni ja smandaranumi, sok ja lekil soldado jumasa yi'oji.

Tsa'an oj cho ya'we ok'uke najat. Yajnixa wabyexi, spetsanil ja winiki oj awanuke tsats, jaxa sts'akab'il ja chonab'i, oj ch'ak jemuk; jaxa we'nlexi, ch'akan ochanik b'a jujune ja chonab' jumasa.

Ja we'n sok wa soldado jumasa, jun majke oj sututananik ja b'a sjoyanal ja chonab' ja jun k'ak'u, wake k'ak'u jach' oj ja k'u'lukex.

Juke pagre oj ek' b'ajtan yuj ja skajonil strato ja Dyosi, june oj yi'e jujune skacho'e. B'a sjukil k'ak'u, a petsanilex juk majke oj sututananik b'a sjoyanal ja chonab'i, ja'xa pagre jumasa oj ya'we ok'uk ja skacho'e'i.

Ja b'a wax ajyi ochel ja chonab' Jerico lutxi kani, kan talnuman b'a mi oj ochuke ja israelenio jumasa. Mi ma' oj b'ob' ochuk sok mi ma' oj b'ob' eluk ja b'a chonab' jawi.

B'a sjuk majkili, yajni wa'ne ya'jel ok'uk ja skacho'e' ja pagre jumasa, ti yala ja Josue: —Awananik sok spetsanil a wipex. —Ja Dyosi, ya'ata b'a jk'ab'tik ja chonab'i.

Ja chonab' sok ja swinkil jumasa, oj ch'ak jch'aytik sna'jel spetsanil, lajan sok jastal jun smajtan oj ka'tik yi ja Dyosi. Kechan na'awik lek mok waj ja k'u'lukex yi b'a mi lekuk ja Rahab sok ja yuntikil yuj ja ye'n snak'a ja ma jekatik waj yil ja chonab'i.