Popular Bible Verses from awEfeso 5

Share

Tivawo, mukhale anamatakiha a Muluku ntoko anamwane oosiveleya, ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

Mwiipasoope ni mweettelowaanyu – khaahiyono ntoko alolo, mene ntoko asuweli, mvarelaka muteko nnenesene ehuhu yootheene, niwoko mahuku ala ari oonanara.

Muhihapaliwe ni eviinyu, niwoko mwemmo wookhalamo olavilavi, mene muhiye woosareyeni Munepa, muulumaka variyariwanyu ni masalmu ni icipo soohiyanahiyana sa Munepa, mwiipaka ni mwaattottopelaka Apwiya, muntthapelaka mahuku ootheene Muluku Atiithi wa itthu sootheene mwa Nsina na Apwiyaahu Yeesu Kristu.

Tivawo, muhikhale alolo, mene musuwele ti heeni otthuna wa Apwiya.

Asilopwana, mwaasiveleke axaarinyu ntoko Kristu osivenlaawe ekerexa ni ohiixinnyerera wa yeeyo

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara

Mwiiwelelaneke mukina ni mukhwaawe moomoovani Kristu.

Axaara, ngwiiweleleke asiiyinyu ntoko wa Apwiya

Wa soothesene, khula mulopwana a nyuwo amusiveleke mwaariye ntoko mwaneenaawe, ni mwaara amuttittimiheke iyawe.

“Tivawo, mulopwana anaahiye atithawe ni amayawe, ni anaathukumane ni mwaariye, ni ooweeli awo eniithatuwe erutthu emoha paahi.”

Muhiiraaneke ni miteko sihiniima sa epiphi. Ohiyanawaya, moonihereke iyo ntoko sa epiphi.