Popular Bible Verses from awEfeso 6

Share

niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu.

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

Ngwareke soowarela soowanela ekhotto sootheene sa Muluku weera ngwere okhala oolipa opwaha mikhalelo sa Diyabu*

Tivawo, ngwareke sowarela sowanela ekhotto sootheene sa Muluku weera ngwere wiixaakiha munihukuni na onanara, ni mwaamalihaka opaka sootheene, mukhale yeemelelo.

Mukuxeketho exikudu* ya nroromelo, mwa yeeyo nyuwo mmwiwere ocipiha nyuupa sootheene sivarelaka sa namatakhala. Ngwareke ekapasete ya ovuluxiwa ni ekatana ya Munepa, eri masu a Muluku.

Hiiho mweemele oolipeene, mwiitthukelaka ni laamba a ekhaikhai, ngwaraka malaya a eyuuma ari oowaakheliwa ni Muluku, ni ngwanreene ni isapato soolikana sinrweela wa masu ooreeraxa a murettele.

Vanonto, mwiilipihe mwa Apwiya ni mwa ikurusaya sitokotoko.

“Mwaattittimihe atithinyu ni amayinyu,” nna ti nlamulo noopacera nrino yoororomelihiwa: “weera sootheene siweetteleni nnene ni mukhalane iyaakha sincipale mweelaponi.”

Anamwane, ngwiiweleleke asinaangolowaanyu mwa Apwiya, niwoko eyo ti ya ororomeleya.