Popular Bible Verses from awEfeso 4

Share

Mureerelane murima mmorelanaka ikharari mukina ni mukhwaawe, mulevelelanaka ntoko Muluku oolevelenlaaweni mwa Kristu.

Mukhale oowiiyevihaxa, oomaala murima, oopixa murima, muvilelanaka moosivelani.

Ehikhume mmwaanomwanyu masu oonanara, mene masu paahi angwera waapuhiha akina ntoko entthuneyaaya weera yaavahe mahala yaale aniiwa.

Mwiixoopole wa soowaawa, owali, onyoonyiwa, waakhulana, waapa, nitho wa soonanara sootheene.

Nyuwo mwaanyoonyiwaka, muhittheke. Ni ohiile nyuwo nlelo munyoonyiweene, nitho muhimvahe nipuro Satana.

Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha, weera sitatuxiwe sinyowani soowuupuwelasanyu sa mmunepani, ni weera mungwaretho mutthu munyowani, opakiwe weera alikane ni Muluku moororomeleyani ni muntteelihoni na ekhaikhai.

Mwiilipihere weera muthokorore omoharu wa Munepa ni yookumanela ya murettele.

Vano Owo ohaathanla akina weera ekhale arummwa, akina maprofeeti, akina anamalaleiya a masu ooreeraxa, akina akukhuli, ni akinatho ahusiha. Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa, mpaka hiyo ootheene niphiye wa omoharu wa nroromelo ni wa omusuwela Mwaana a Muluku, ni mpaka niphiyetho wootokweeneni nikwaniheraka muringo wookwanela wa Kristu.

Hiiho hiyo khanikhalatho anamwane, nikuxiwe wa mpatta mukina ni mukhwaaya ni mitekuteku, hata khannoopeliwa wa nno ni iwe ni epheyo yootheene ya mahusiho makina, naari niwoko na soovaanela soolokottha soowootha sa atthu anaathweeleliha akina mphironi ya ekhaikhai. Ohiyanawaya, nittharaka ekhaikhai mwa osivela, hiyo ninunnuwa mwa sootheene mwa Yoole ori muru, eyo tiiyo Kristu.